SWC ngerikod 24 iku mayas pengudah pengada ‘Sigat’

KUCHING: Palan Jelu Siga Semenggoh (SWC) nerima siku agi orang baru ari pengada mayas lelaki ti diberi nama ‘Sigat’.

Pengada ‘Sigat’ nambahka agi penyampau tubuh mayas ti diau di palan tu kenyau ditumbuh dalam taun 1975, SWC udah ngemansut sepenyampau 11 iku mayas enggau tambah ke baru tu, sepenyampau 24 iku dirikod naka diatu.

Sarawak Forestry Corporation (SFC) ba penerang berita dikeluar kemari, anak mayas ti baru ada tu pansut keterubah iya begulai enggau indu mayas benama Sadamiah kena 27 March 2018.

Hari penatai seduai tu nyadi siti agi pemujur ba pengawa ngintu mayas di Sarawak ari SFC.

Kepala Menteri, Datuk Patinggi Abang Johari Tun Openg telah menamakan anak orang utan dengan nama ‘Sigat’ iaitu perkataan yang berasal dari bahasa Iban.

Sigat mai reti pemanah gamal, pintar, bajik, bagas enggau enda kala puntan matak perati ti mega dikena raban etnik bukai di Sarawak.

Ari perspektif pengawa ngintu, leka jaku Sigat ngayanka pemujur SWC nyadi palan dikena ngintu mayas ungkup mayas ti dikeruga punas di Borneo.

Berebak enggau nya, mensia mayuh tau nyadi sebagi ari inisiatif manah tu nengah program ngambu jelu mayas.

Program tu ngemendarka spesifik jelu mayas diambu ungkup setaun enggau pemeri RM200 setaun ngagai sida ngatika diri enggau RM10,000 ngagai gempung korporat tauka sarikat.

Asil pemeri ari program tu dikena melanja aktiviti nyaga enggau ngintu jelu siga enggau nengeri tu.

Dikena nyereta program ngambu tu tau telefon nuju SWC ba lumur 082-618325 tauka Opis Korporat SFC ba lumur 082-610088.