RT patut nyaup komuniti neguhka semangat beserakup

MIRI: Rukun Tetangga (RT) patut besaup gawa begulai enggau komuniti dikena neguhka agi semengat beserakup di genturung pendiau enggau mengeri.

Direktor Penyerakup Sarawak, Dirwana Azool madahka beguna amat RT ngaul rat bala komuniti ba program ti tau ngerapitka penyerakup.

“Aku dekaka 86 sitak RT ti bisi ditu ngatur program ti mai pemaik ngagai komu- niti nuju singkang pengawa ngeneguhka penyerakup,” ku iya.

Dirwana mansutka jaku nya rambau Program Semarak Perpaduan Sempena Sambutan Minggu Perpaduan dan Perasmian Pusat Rukun Tetangga (RT) RPR Batu 6, ditu, kemari.

Pia mega ku iya, RT tau matak penyereta bala komuniti di menua nya ba aktiviti enti sema sida bejalaika tanggungpengawa enggau peneka ati.

“Pengawa nerenakka penyerakup nyadi tanggungpengawa semua, ukai semina bala ketuai enggau ejensi perintah aja, tang mega bala komuniti di renggat baruh,” ku iya nerang.

Berindik ari nya, udah datai ba jam semua RT dikemaru ngambika bala komuniti di menua nya meretika pangku pengawa enggau tanggungpengawa RT ke amat.

Bemacham aktiviti bela dipejalai nyengkaum ek- sesais semarak perpaduan, lumba rayat, pekit ngelinsu, mandangka pengawa berapi enggau sada penyerakup.

Program tu diatur Opis Penyerakup Menua Enggau Intergrasyen Nasional (JPNIN) Bagi Menua Miri.

Sama bisi datai Pemesai Penyerakup Bagi Menua Miri, Giri Nyareng, Chairman RT Batu 6 Suhaini Pauzi, enggau Chairman Komiti Pemuafakatan Jiran Wanita Miri, Lumat Dadi.