SMK SAS deka ngatur ‘Nite Run’ kena 18 Ogos 2018

SARIKEI: Sekula Sekondari ( SMK) St. Anthony Sarikei (SAS) deka ngatur ‘ 5KM ( Kilometer) Nite Run kena 18 Ogos (Hari Enam) ti deka datai.

Program tu diatur nyerumba pengawa ngintu Hari SAS Ke-88 taun tu.

Pelanda tu dibagi ngagai dua ketegori iya nya Lelaki 13 Taun Ke Atas enggau Indu 13 Taun ke Atas. Tetiap iku pesereta ti nyereta pelanda tu deka mayar sepenyampau RM50.

Pesereta ti deka nyereta pelanda tu deka diberi baju enggau setipikit penyereta, kelimpah ari sida ti bulih lumur ba pelada tu ila deka nerima perais.

Pemenang ungkup kededua kategori tu, kelebih agi penuduk lumur satu deka pulai ngemai perais mata duit RM150, kedua RM120, ketiga RM100, keempat RM80, kelima RM50 enggau penuduk keenam ngagai ke-15 deka nerima perais sagu ati mata duit penyampau RM30 siku.

Pelanda tu diatur begulai SAS enggau raban Ngatur Pengawa Sekula enggau Serakup Alumni SAS.

Hari bulan kepenudi nganjung pom penyereta pelanda kena 31 Julai (Hari Dua), sebedau pukul 5 lemai.

Sida ti bisi ati nyereta pelanda tu tau ngambi pom penyereta di Pondok Pengawal SAS enggau di Sugarbun Sarikei.

Bayar nyereta pelanda tau dibayar ngena mata duit ngagai raban SAS maya jam opis gawa tauka dibayar nengah online ngagai akuan SAS di Hong Leong Bank , 020-51-01737-0.

Sebarang tanya silik bekaul enggau pelanda tau betanya ngagai raban ngatur pengawa Ms. Lau (019 8193023), Madam Kiung (016 8596193) enggau Madam Yeo (010 9701817) maya jam opis gawa.