Nengah pansik Miros ba taun 2014 semina 8.6 peratus aja ngena belulang pengelikun ba penuduk belakang entukar
SIBU: Mayuh agi kimpin pelajar diguna kena meri penyedar ba tikas ke tinggi ungkup orang ti duduk ba belakang perengka pengangkut ngambika ngena belulang pengelikun dikena nentuka pengelikun seruran dikemerat.
Dalam nentuka pekara tu ulih nyadi nyata, kaban Kaunsil Pengelikun Jalai Alun Nasional Tan Sri Lee Lam Thye madahka nengah pansik ke udah digaga Institusyen Pemansik Pengelikun Jalai Alun Malaysia (Miros) ba selampur menua tu dalam taun 2014, udah ngayanka semina 8.6 peratus aja ke bisi ngena belulang pengelikun ba penuduk belakang entukar.
“Tambah mega, nengah pansik ke udah digaga Miros lebuh operasyen pengerami Hari Raya bedau lama, statistik ke ngena belulang pengelikun di penuduk belakang entukar semina 4.9 peratus aja.
“Endang siti pekara ke patut orang ti ba penuduk belakang entukar ngena belulang pengelikun dikena nentuka pengelikun sereta anang ngerunding tu pekara mit,” ku Lee nangkan.
Iya bejaku munyi tu leb- uhka meri buah runding sentang penerang ke udah dipansutka Menteri Peng- intu Pengelantang Pendiau, Komuniti, Indu, Ruang Bilik enggau Pemansang Anak Mit Dato Sri Fatimah Abdullah ke madahka opis menteri sida ngiga ejensi enggau bekerejasama dikena nambahka penyedar pemerat bekenaka kerusi pengelikun nembiak mit dalam entukar.
Fatimah madahka mayuh pekara patut digaga dikena meri penyedar ngagai apai indai sereta orang ti nyaga nembiak mit bekaul pemerat enggau pemaik kerusi pengelikun nembiak mit dalam entukar dikena ngelindung nembiak mit bakal nyema bisi nyadi kes bebadi ba jalai alun.
Iya mega nyemetak madahka ba New Zealand, nembi- akm it meseti diengkah dalam kerusi pengelikun tu nitihka umur, berat enggau peninggi lalu meseti diengkah ba penuduk belakang, ukai nya ba penuduk mua entukar.
Fatimah nandu baru madah munyi tu lebuh bejadika ‘First Baby Travel Safe Campaign’ ke udah diatur Mummycare ba CityOne Megamall di Kuching bedau lama.
Sentang pekara tu, Lee minta opis menteri nya ulih bekerejasama enggau Opis Pengelikun Jalai Alun Sarawak.
“Nyangka nengah kerejasama begulai uli ngatur mayuh agi kimpin pelajar dikena nambahka penyedar sereta pemaik ngena kerusi pengelikun nembiak mit.
“Penemu Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit ti dekaka bisi utai digaga dikena nambahka penyedar sentang pemerat ngena kerusi pengelikun nembiak mit,” ku iya lebuhka mansik sentang penyedar ba pekara tu agi baruh lalu mayuh entukar nadai kerusi pengelikun nembiak mit.
“Diatu mih maya nya kimpin penyedar tu dipejalai ari Opis Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit begulai enggau Opis Pengelikun Jalai Alun Sarawak. Aku endang nyukung pengawa tu,” ku Lee nyemetak.
Tambah mega, nengah pansik ke udah digaga Miros lebuh operasyen pengerami Hari Raya bedau lama, statistik ke ngena belulang pengelikun di penuduk belakang entukar semina 4.9 peratus aja. Tan Sri Lee Lam Thye Kaban Kaunsil Pengelikun Jalai Alun Nasional