DUBS Miri meri sukung ngagai KM majakka pemansang Sarawak
KUCHING: Speaker Kunsil Nengeri (DUN)deka ngapil mantah pemutus ti di gaga ulih Kort Apil bedau lama tu tadi, bekait enggau pemutus kort nya nuduhka baru Dr Ting Tiong Choon agi mengkang mangku pengawa nyadi Kunsil Nengeri (ADUN) Pujut.
Datuk Amar Mohd Asfia Awang Nassar madah iya ngasuh luyar iya minta pekara nya, diapil di Kort Besai (an application for leave to appeal to the Federal Court).
Ku iya, enti pemutus ke baru digaga Kort Apil nya agi mengkang bansa nya, raban Kunsil (ADUN) bukai enggau Dewan Rakyat deka napi empas dewan nya enda ulih bejalaikan sekeda ungkup undang-undang baka ke udah diletakka.
“Enti pemutus Parlimen enggau Speaker Dewan ulih dilaban dalam kort undangundang, lalu udah nya kort ngalihka pemutus ti digaga ulih Parlimen enggau Speaker, reti nya pengawa Parlimen enggau Speaker puntan,” ku iya madah ba aum Kunsil Nengeri kemari.
Mohd Asfia madah ungkup undang- undang patut dibacha dalam pemaik begulai enggau ungkup undang-undang bukai ngambika pejalai Parlimen nya ulih digaga enggau mujur.
“Berindik ari pekara tu, bisi pemerat ba aku ngasuh luyar aku minta pekara tu ulih di apil ba Kort Besai.”
Sebedau tu, iya madah Akim Kort Apil (Judge of Court of Appeal tauka JCA) Datuk Mary Lim mantaika pemutus bechara ke enda disetuju ulih aku bekait enggau kes Dr Ting sebedau pemutus nya digaga kena hari Lima tu tadi.
Ku iya, ba penemu Lim, Artikel 19 Konstitusyen Menua Sarawak patut dikerembai sereta dipansik enggau silik agi, lalu bisi kuasa manggil orang ke megai kuasa nanya penau dalam Kunsil Nengeri bekait enggau Dr. Ting ke bisi ngembuan status peranak menua luar.
“Reti jaku ke tau dikena, dalam sekeda artikel Konstitusyen Menua Sarawak, Artikel 17, 16, 18 enggau 19 ke diputuska ulih JCA Datuk Mary Lim, patut dikerebai sereta dipansik enggau silik agi.
“Pekara tu mai besai endar reti ba konstitusyen nagang sebarang pengawa ke nyelai tauka pemanchal, iya nya kunsil nengeri enda ulih ngemutarka sereta muai orang nya ari ngangkat sumpah lalu duduk di dalam Dewan,” ku Mohd Asfia.
Iya madah reti jaku ke diberi ulih JCA Datuk Abang Iskandar Abang Hashim enggau JCA Datuk Harmindar Singh Dhaliwal munyi ke ‘kelalu terit’ (too restrictive).
Hari Lima tu tadi, Kort Apil mutuska Dewan nadai kuasa muai Dr Ting ketegal status peranak iya ke nyadi rayat Australia, alai udah nya dilengkaka iya sebedau Pengawa Bepilih Menua (PRN) ti digaga dalam bulan Mei 2016.
“Kunsil Nengeri semina bisi kuasa mutuska status peranak kaban Dewan pengudah abis pengawa bepilih.
“Enti deka nginsitka pekara nya ke belakang mutuska status peranak orang nya sebedau iya kena pilih, tau ngujung ngelanjurka pengawa nya ulih kunsil nengeri, alai ba penemu aku, nadai sukung konstitusyenal dalam konstitusyen menua,” ku Abang Iskandar, ke bechairmanka pemutus ti digaga ulih tiga raban luyar nya.
Harmindar besetuju enggau pemutus bechara Abang Iskandar tang ukai Lim.
Ketegal nya, apil ke digaga Asfia, Menteri Pengawa Dagang Entarabansa enggau E-Dagang, Dato Sri Wong Soon Koh enggau DUN mantah pemutus Kort Besai nya dibuai, enggau jaku letak sereta kos.
Sebedau tu, Akim Kort Besai, Datuk Douglas Cristo Primus Sikayun merintah Dr Ting dituduh baru nyadi pengari rayat.
Kena 12 Mei taun siti nyin tadi ( 2017), Wong minta usul dalam DUN muai Dr. Ting ketegal dawa, iya nya Dr. Ting ngembuan status peranak Australia.
Pengudah nya, pemesai DAP nya lalu nyaman Kunsil Nengeri ke udah muai iya.
Ba pemutus ti digaga ulih Kort Besai kena 17 Jun, madah enggau terang iya nya pengawa DUN ke muai Dr Ting enda nitih atur undangundang lalu madahka Dewan nya ngaga pemutus nya enda nitihka tikas pengulih atur konstitusyen. MIRI: Dewanita Dewan Orang Dagang Bumiputera Sarawak (DUBS) Miri meri sukung sida iya ngagai Kepala Menteri (KM) majakka pengawa iya ngemansangka Sarawak.
Sekretari Dewanita Miri, Laila Mohamad madah, baruh Perintah pegai Datuk Patinggi Abang Johari Tun Openg, Sarawak deka majak mansang.
“Mayuh ubah pemansang udah digaga ukai semina di mengeri tang mega di sitak menua pesisir nyengkaum di rumah panjai sereta di kampung,” ku iya madah lebuh dikerandau ulih Utusan Borneo, kemari.
Dewanita Miri sebedau tu bisi ngelawa Kompleks Kunsil Nengeri beserimbai enggau aum Kunsil Nengeri (DUN) di Kuching.
Lai madah mayuh macham gaya pemansang bisi diperambuka ulih Sarawak ari suba dataika diatu.
Taja pan napi bemacham bantah, Sarawak taja pia, tetap ngatika diri sereta nyaga
Enti pemutus Parlimen enggau Speaker Dewan ulih dilaban dalam kort undang-undang, lalu udah nya kort ngalihka pemutus ti digaga ulih Parlimen enggau Speaker, reti nya pengawa Parlimen enggau Speaker puntan. Datuk Amar Mohd Asfia Awang Nassar Speaker Kunsil Nengeri
pengelantang pendiau rayat lebuh Perintah Menua tu ngemutarka mayuh macham bansa pengawa.
“Kami deka meri sukung kami ngagai rintai kabinet menua majakka pengawa ngemansang Sarawak ba tetiap sukut menua tu,” ku iya.
Raban Dewanita lebuh ngelawa Kompleks DUN, bisi dibai meda gaya atur aum DUN dipejalaika nyengkaum ba pekara tanya-saut entara pengari rayat.
Penemuai seraya belajar nya mega meri sukung ngagai pengari rayat ngemutarka pekara ke bisi bekait enggau penanggul sereta pengelantang pendiau rayat.
Dewanita Miri mega nyukung usul ti dibai ulih pengari rayat ari Utara Sarawak baka Miri, Bekenu, Lambir, Piasau, Mulu enggau Telang Usan.
“Ngelama tu, DUBS enggau Dewanita Miri meri sukung ngagai polisi pemansang Perintah ke deka beratika Sarawak meruan maju sebaka enggau menua bukai,” ku iya.