PEN benung nyaup raban Penan ti apin bulih surat pengada
KUCHING: Sapa nyangka kayu strawberi ti suah ditanam ba endur tinggi enggau ba menua ke chelap tau tumbuh meruan di Kampung Jaya Bakti, urung 30 kilometer ari Kuching.
Ngasuh temegah agi, bepun enggau semina empat kayu aja, pengempu ‘Jantayu Strawberry Farm’ Muhammad Hossen Ediwi, 62, diatu ngembuan 6,000 kayu ti ditanam dalam pasu di rumah enggau kebun besai diempu sida sebilik di genturung pendiau nya.
Ex-pengempu kedai bup enggau restoran tu madah semua nya bepun pengudah iya meli dua kayu strawberi rambau ngintu Hari Orang Bumai, Betupi enggau Berikan Renggat Nasional dalam bulan November 2015 di laman besai Balai Suara Kota Samarahan.
“Dibai aku pulai lalu ditanam ba tisi rumah aja, kayu nya idup meruan sebedau aku ngaga pemutus ngelawa Cameron Highland lalu meli dua kayu agi. Berebak enggau nya belajarka chara ti betul nanam iya.
“Berengkah ari semina empat kayu, aku diatu bisi beribu katu sebedau diri sebilik ngambi pemutus ngaga kebun dandang besai diberi nama‘ Jantayu Strawberry Farm’ kenyau ari lima bulan ke udah endur nanam 6,000 kayu strawberi,” ku apai tiga iku anak nya.
Muhammad Hossen sedarka pekara gaya hari enggau penyelap angin nyadi penentu utai tanam nya tumbuh meruan, nya kebuah iya nentuka empat pekara digaga iya nya manjah sum enggau ngelepaska ai ti betul, rachun indu utai (enti patut) sereta pekara berat gaya angin ari panchar mata panas enda kelalu angat.
“Ari keterubah nanam, aku ngasaika kandang genturung pendiau tu engkeman endur nanam strawberi laban muakka malam enggau pagi gaya hari chelap, tang datai tengahari enggau lemai, bisi angat mimit. Nya kebuah aku nentuka panchar mata panas ngagai kayu strawberi tu dipatau,” ku iya.
Asil iya ku iya, kayu strawberi ti ditanam mansutka buah manis agi, taja pemesai enda entu baka pemesai asil di Cameron Highland, Pahang.
Beratika pekara tu, iya netapka penemu diri ngemesaika agi utai tanam nya nengah pengawa berimbaka kebun satu ikar pemesai dipenggi sida sebilik.
Ditanya asai ati ari semina dua kayu diatu nyadi beribu kayu, ku Muhammad Hossen ngaku ‘bisi tekenyit’ meda asil iya.
“Naka diatu, kami meri fokus nyual kayu strawberi rega RM30 sepasu laban asil buah agi bedau mayuh. Taja kebun tu deka ngepunka pengawa urung dua minggu agi, kami dah nerima penatai mensia mayuh nyauka ninting minggu,” ku iya.
Naka diatu, kami udah nyual urung 100 pasu kayu ngagai sida ti bisi ati nanam. — Bernama MIRI: Penan Empowerment Network (PEN) minta bala ketuai genturung pendiau Penan ditu meri kerejasama datai lalu mai rintai nama nembiak redak sida ti apin ngembuan surat pengada enggau tingki.
Minggu nyin tadi, raban komiti PEN diuluka chairperson sida, Elia Bit, bisi ngatur pejalai ngelawa tiga buah rumah panjai Penan begulai enggau raban bejalaika pengawa khas unit mindah kin kitu Opis Pengerejista Bansa (JPN), ba pengawa nyidi sida ti nadai ngembuan status peranak menua.
Udah ditemu bisi 12 iku peranak ari Rh Peberi Magelit di Menok, 10 iku ari Rh Agnes di Lapok sereta 19 iku sida ari Rh Galau Upau di Bukit Limau, nadai ngembuan sebarang dokumen ti ngenukuka kelala sida.
“Kitai minta kerejasama ari ketuai genturung pendiau kelebih agi di Tinjar, ngambi gawa enggau JPN, nengah pengawa nyuaka lis nama sida ti nadai surat pengada enggau tingki.
“Kitai mega berasai lantang laban nengah unit mindah kin kitu tu, iya deka nyaup ngelempungka tating belanja ditapi sida ti nganjung peminta.
“Bala pemesai ti mantu pengawa ngatur peminta surat pengada enggau tingki ulih mantu peranak ngisi pom enggau dokumen bekaul bukai, ngasuh atur pengawa muntang agi enggau peranak enda ibuh mindah jauh ke mengeri baka Miri enggau Kuching,” ku Elia.
Iya mega mantaika pengandal diri ke alai mayuh agi peranak nadai status peranak menua ulih datai ke mua ngelawa raban PEN ngambika sida ulih mantu enggau naka ulih ba sebarang chara.
Pengudah pejalai nya, Ketuai Unit Mindah Kin Kitu JPN Pampang Miri, Alfrizan Bujang madahka sida semina bejalaika pengawa ba genturung pendiau nya laban PEN sebedau tu udah dulu nganjung peminta sida.
“Ba genturung pendiau bukai, aku ngarapka sida ulih meri lebih kerejasama enggau nganjung dokumen terus tauka nengah PEN ba peminta ke sama ngambika raban unit mindah kin kitu ulih ngemanjaika servis sida ngagai genturung pendiau sida nya.
“Unit kitai nyangka enda ulih nyidi tauka ngelawa sida ti nadai ngembuan surat pengada enggau tingki, tang pengudah kitai dipadah bala ari genturung pendiau enggau sida ti minta, kitai deka naka ulih mantu peranak tu,” ku Alfrizan, seraya nambah, sida ti udah nganjung peminta surat pengada enggau tingki deka dipadah raban unit ti datai ngabas genturung pendiau sida enggau naka penyampat. SIBU: