Gelar Kenyalang Journalism Awards deka diatur kena 30 Nov 2018 di Sibu
KUCHING: Pengarang berita ari media chelak enggau penabur berita (broadcast) di Sarawak ditesau nganjung penyereta sida iya enggau pekit gelar ‘Kenyalang Journalism Awards’ (KJA), alai pengabis penudi haribulan ulih nganjung penyereta nya kena 7 Sept tu ila.
Presiden Serakup Gerempung Federation of Sarawak Journalists Associations ( FSJA) 2018, Jane Moh madahka pom penyereta nya tau diambi ari kaban komiti KJA tauka ari Gerempung Pengarang Berita Kuching (KDJA), FSJA Sibu enggau Gerempung Pengarang Berita Utara Sarawak (NSJA).
Ke taun tu, pom penyereta meseti dianjung ngagai gerempung tauka serakup tu; KDJA, FSJA Sibu tauka NSJA enda laun ari 7 Sept tu.
Di Kuching, penyereta pom tau dianjung ngagai KDJA (sebarang tanya ke silik agi tau ditanya ba Jacqueline David ba lumur talipaun 016-8546251, tauka endur nganjung pom nya).
Ke sepiak Miri, tau dianjung ngagai NSJA ba Lot 804 Block 4, MCLD Jalai Cattleya 3, Piasau Industrial Estate, 98000 Miri, Sarawak lalu tau betanya tauka nganjung ngagai Andy Jong ba lumur talipaun 014-5902562.
Lalu di Sibu, tau dianjung ngagai FSJA Sibu ba Wisma See Hua 40, Jalai Tuanku Osman, 96000 Sibu, Sarawak (Jane Moh ba lumur 0168822980, Yek Choo Eng ba lumur 012-8896361 enggau Chia Shu Kiong ba lumur 016-8630160).
Semua artikel ke masuk pekit tu, enda tau enda udah ditulis, ditabur tauka dichelak, lalu udah dikeluarka ari 1 Jan 2017 ngagai 31 Disember 2017, lalu semina artikel ke bisi bekait enggau Ekonomi Digital ke udah ditulis, ditabur tauka dichelak lalu udah dikeluarka ari September 01, 2017 ngagai 30 Jun 2018 dikemendarka masuk pekit KJA.
Pekara ke dipasuk sereta deka diperebutka ulih bala pengarang berita deka mung- kur gelar:
Chief Minister’s Award ke deka nerima perais RM5,000 seiku (Bahasa Melayu, English enggau Mandarin); Gelar Journalism Award, Sports Reporting Award, Broadcast Journalism Award, Sustainability Journalism Award, Business and Economic Journalism Award, Community Wellbeing and Rural Development Journalism Award dalam Jaku Bahasa Melayu, English enggau Mandarin deka nerima perais RM3,000, RM2,000 enggau RM1,000 seiku ba tetiap kategori nya; News Reporting Award dalam Jaku Bahasa Melayu, English, Mandarin enggau Iban deka nerima perais RM3,000, RM2,000 enggau RM1,000 seiku ke tetiap kategori nya; Photo Journalism Award deka nerima RM2,500, RM1,500 enggau RM800 seiku ba tetiap kategori nya; enggau Digital Economy Journalism Award (ditulis sereta udah ditabur tauka dichelak ari 1 September 2017 ngagai 30 Jun 2018) dalam Jaku Bahasa Melayu, English, Mandarin enggau Iban deka nerima RM3,000, RM2,000 enggau RM1,000 seiku ba tetiap kategori nya.
Spunsa Emas ke atur pengawa ke deka digaga di Hotel RH Sibu kena 30 Nov tu, iya nya spunsa ke pengabis besai Perintah Menua Sarawak, Sarawak Energy Berhad ( SEB), Sarawak SHELL Berhad, enggau Petronas nyendiaka perais besai ke urung 10 kategori ke pekit tu.
Bekaul enggau pekara tu, raban FSJA enggau spunsa emas KJA bisi betemu enggau Kepala Menteri, Datuk Patinggi Abang Johari Tun Openg di Opis Kepala Menteri di Komplek Kunsil Nengeri ditu, kena hari Satu tu tadi.