Peranak Sri Aman diperansang bekerejasama enda ngira bansa enggau batang pengarap
KUCHING: Chalun Parti Keadilan Rakyat (PKR) ke kala bediri minta pilih ba sitak Parlimen Sri Aman, Norina Umoi Utot bedau lama tu tadi ngulu pengerami Makai Lemai Federasyen Orang Indu Gerija St Luke.
Pengerami ke diatur di Dewan Suarah Sri Aman nya digulu urung 1,000 iku orang ke diau ngelingi Pelilih Sri Aman.
Ba pengerami nya, Norina bisi ngagihka RM9,000 ngagai Gerija St Luke nyengkaum sekula.
Agih belanja nya dikena Grija St Luke ngatur sekeda program.
Ba pengerami nya, Norina madah deka meri fokus ba pengawa ngintu pemaik rayat enda ngira bansa enggau batang pengarap.
“Aku keran deka ngadu kerejasama enggau rayat ditu. Kerejasama nya enda ngira bansa enggau batang pengarap.
“Aku mega ngarap rayat meri kerejasama ngagai perintah baru Pakatan Harapan ba atur nyendia perengka guna ungkup pemaik kitai ditu,”ku iya.
Ngenang kaul ke sama, iya pechaya grija ulih nyerakup rayat ketegal ajar grija meratka penyerakup rayat.
Iya mega pechaya insti- tusyen gerija megai tanggungpengawa besai kelebih di menua pesisir lalu ulih nempa nembiak ngembuan ulah ke manah sereta ngembuan tuju ba pengidup.
Ari penyampau RM9,000 nya, RM5,000 diberi ngagai Federasyen Orang Indu Grija St Luke, RM3,000 dikena spunsa makai lemai Diocesan Women Fellowship[DWF) lalu RM1,000 ungkup Gerempung Apai Indai enggau Pengajar(PIBG) SK St Luke Sri Aman.