KLIK_SPM 2018 tuisyen ke nembiak Bumiputera

SIBU: Klinik Intensif Kecemerlangan SPM ( KLIK_ SPM) 2018 ke diatur Gerempung Graduate Bumiputera Sibu deka belabuh 5 Ogos nyentuk 28 Oktober tu.

Program renggat kelima taun tu deka meri awak ngagai nembiak Bumiputera ngulu tuisyen enda bebayar ninting ari Minggu ba pengelama 10 minggu bejurut berengkah 8 pagi nyentuk 4 lemai.

Program tu bela diatur begulai Universiti Kolej Teknologi Sarawak (UCTS) enggau Palan Servis Kunsil Nengeri (DUN) Nangka.

Bala nembiak ke ngambi bagi ba program deka diterang enggau chara nyaut peresa enggau betul.

Nambahhka nya, program tu mega ngembing nembiak lebih agi sida ke kurang ba pelajar ngulihka kredit abis nadai ba lima subjek sereta nyaup sida ngemujurka diri nampung pelajar ba Palan Pelajar Tinggi (IPT).

Kelimpah ari nya, program nya deka nerang ngagai nembiak sentang konsep ngajar enggau belajar baka ba IPT ti tau nyungkakka pengerans- ing nampung pelajar nyentuk tikas universiti.

Program tu andal digulu 350 iku nembiak Pom 5 Bumiputera ari semua sekula di mengeri Sibu ti ngambi subjek Bahasa Inggeris, Matematik, Sains, Kimia, Fizik enggau Matematik Tambahan.

Semua pengajar ti ngemujurka program endang bepengelandik sereta orang ke meresa keretas SPM ti diaku Opis Menteri Pelajar Malaysia.

Bala fasilator 25 tu mega raban PGBS.