KWKPK ngelaluka komiti khas ditumbuh nitihka perambu Sapit Menteri Besai ngambi ulih mansik lalu ngemanahka akta nya
KUCHING: Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Dato Sri Fatimah Abdullah ngarapka komiti khas mansik nyangka bisi pengawa ngemanahka agi Akta Taman Asuhan KanakKanak 1984 deka disereta pengari ari Sarawak.
Iya madahka komiti khas nya dikearap deka disereta pengari ari Bagi Pekara Pelajar Tumu Anak Mit opis menteri nya enggau Opis Pemansang Mensia Mayuh Nengeri Sarawak (JKMNS).
“KWKPK endang ngelaluka pekara dibantaika Sapit Menteri Besai Datuk Seri Dr. Wan Azizah Wan Ismail numbuhka siti ‘task-force’ ngambi mansik nyangka bisi pengawa ngemanahka agi Akta Taman Asuhan KanakKanak 1984,” ku iya lebuhka dirandau kemari.
Ku Fatimah ba konteks Sarawak, kandang diatu bisi 34 taska di rumah enggau 22 iku anak mit seraya 63 institusyen taska ti rejista enggau JKMNS ngaul sepenyampau 1,533 anak mit enggau 322 pengajar.
Nitih ku iya, di nengeri tu tebal agi apai indai enda nganjung bala anak sida ti beumur 4 taun enggau biak agi ngagai taska tang rindu agi sekalika diri empu ngibun tauka diibun diri sebilik besemak ke bukai.
Taja pia, opis menteri nya enda nemu rikot penyampau
KWKPK endang ngelaluka pekara dibantaika Sapit Menteri Besai Datuk Seri Dr. Wan Azizah Wan Ismail numbuhka siti ‘task-force’ ngambi mansik nyangka bisi pengawa ngemanahka agi Akta Taman Asuhan Kanak-Kanak 1984. Dato Sri Fatimah Abdullah Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit
anak mit ti diibun diri sebilik besemak di nengeri tu.
“Isu ngibun di rumah enggau taska iya nya bayar servis sida ti ngibun ungkup siku anak mit, rejista palan ngibun di rumah enggau gaji sida ti ngibun enti sema belalauka tikas pelajar,” ku iya.
Ku Fatimah, nya kebuah pengawa proaktif dipejalaika opis menteri iya, iya nya ngeluarka Buku Panduan Asuhan Kanak-Kanak di Rumah ke mega ngaum pekara ngibun enggau pengelikun.
Bup tu dikeluar dalam taun 2016 lalu udah diagih di Sepital Perintah, Klinik Pengerai, Pustaka Negeri Sarawak, Wad Orang Beranak sepenyampau 3800 iti semua nya, ku iya nambah.
“Dalam taun 2018, dikena nentuka pengelikun enggau pengerai anak mit di Taska, raban opis menteri udah bekerejasama enggau TM TEC Academy ( M) Sdn. Bhd ngatur kus Occupational Safety and Health (OSH) khas ungkup orang ti nyaga enggau Pengajar Taska/Tadika di Sarawak.
“Naka bulan Julai 2018, sepenyampau 7 kus ari 8 ti udah dilanggur udah mujur dipejalai di Kuching, Betong, Mukah enggau Bintulu,” ku iya.
Ngelansa silik, ku Fatimah kus OSH mungkur pekara Timbal & Pengawa Nyediaka Diri Tumu Ba Pekara Ngenyit, Bantu Ngenyit, Pengawa Meresa Endur Kereja, Matau Risiko enggau Ngelala Pekara Tau Ngeruga Pengelikun, Pengawa Nyeruri & Matau Pengawa Nyapai OSH, Nagang Penusah Nyadi, Nagang Penyakit, Ngeripot Penusah Nyadi enggau ke bukai.
“Aku pechaya, pekara pemadu beguna iya nya ulah positif ngintu enggau penyiru sereta ngibun anak mit,” ku iya.
Hari Satu tu tadi, Dr Wan Azizah ke mega Menteri Pemansang Orang Indu enggau Ruang Bilik ba sebengkah aum pengarang berita di Bangi, Selangor madahka perintah merambu numbuhka komiti khas mansik penanggul enggau ngiga chara mutar ti ngaul endur ngibun anak mit enggau kerejasama beberapa opis menteri ke bukai.
Iya mega ngansak ngambika sida ti ngibun kediri empu rejista enggau Opis Menteri Pemansang Orang Indu enggau Ruang Bilik.
“Tuju iya dikena nentuka pengawa matau ulih dipejalai enggau meruan,” ku iya.
Nitih ku iya, perintah mega merambu ngemanahka agi agih undang-undang ke bisi diatu nyengkaum Akta Taman Asuhan Kanak-Kanak 1984.
“Kitai bisi penekul laban enda nemu endur nguibun tu rejista tauka enda tang bisi ngibun anak mit,” ku iya.