Kemendarka PDA 74 nyadi undang-undang
KUCHING: Sarawak enggau Sabah meseti need ngemendarka Akta Pemansang Petroleum 1974 (PDA74) n yadi undang-undang ti dipejalaika dikededua buah negeri nya.
Sapit Kepala Menteri Tan Sri Dr James Jemut Masing madah, PDA74 nadai kala dikemendarka di Sarawak enggau Sabah lalu nya kebuah PDA74 enda sah dikededua buah nengeri pantai timur Malaysia nya.
Sekalika dikena ba nengeri bukai ti ngemansutka minyak baka Trengganu, Masing ke mega presiden Parti Rakyat Sarawak (PRS) m adahka diri enda nemu laban nengeri ti ngemansutka minya dalam Gempung Malaya engka bisi undangundang ke bebida.
Berebak enggau nya, Sapit Ketuai Nembiak Publisiti PRS, Surai Anthony Abel kena 11 Jun 2018 udah ngaga ripot polis ba Balai Polis Sungai Maong ditu bekaul artikel “Petronas seeks court clarification on PDA 1974” ti dipansutka The Borneo Post kena 10 Jun 2018, dikena mandangka penemu PRS bekaul enggau PDA74 ti enda sah.
Iya mega madahka undang- undang dalam PDA74 nya enda engkeman sereta ngelanggar Sempekat Malaysia 1963 ( MA63) enggau Konstitusyen Malaysia.
Iya madahka Petronas enda patut ngiga penerang ari kort laban PDA74 nya ultra vires MA63 enggau Konstitusyen Malaysia.
Ku Surai, iya enggau semua bala Nembiak PRS mantah atur kort sivil ke diambi Petronas laban ke ngena PDA74 all ngelama tu
Berebak enggau nya, iya minta polis nasat semua aktiviti ti nadai pemendar ke dipejalaika Petronas kelebih agi ngagai Sarawak lalu nganjung kes nya ngagai Dewan Undang - Undang Sarawak.
Kena Hari Tiga tu tadi ( 25 Julai 2018), sebuah portal berita ‘ online’ menua mantaika ripot ti madahka Perintah Pakatan Harapan (PH) enggai mayar perambu 20 peratus royalti minyak ti dipansutka nengeri laban nya n gelanggar PDA74.
Surat berita menua mega bisi mantaika jaku Menteri Pekara Ekonomi, Datuk Seri Azmin Ali ti madah ngagai Parlimen di Kuala Lumpur pengawa bejalaika perambu nya deka beguna timpuh laban ungkup ba Akta nya meseti diubah dulu.
“Perambu nya enda ulih dipejalaika ( diatu) l aban ngelanggar Akta Pemansang Petroleum(PDA). Ngambika tu ulih dipejalaika (20 peratus royalti), n ya deka beguna timpuh laban ubah meseti digaga dulu ba PDA,” ku iya maya sesi tanya saut di Parlimen kena Hari Tiga tu tadi.
Azmin madahka Akta netapka royalti minyak ba ikas 10 peratus ari untung beresi ngagai perintah besai enggau negeri ti ngeluarka minyak, lalu Bup Biru PH semina besemaya enda besiping ba pengawa magi royalti minyak ngagai nengeri nya.
“Diatu, Petronas meseti mayar 10 peratus mata duit ari pemansut kasar ba minyak enggau gis ngagai (perintah besai ). Ari penyampau nya, lima peratus diambi perintah besai enggau nengeri ti mansutka nya. Petronas mayar nya dua kali setaun, dalam bulan Februari enggau Ogos. 10 peratus mata duit nya rega kasar setong ba rega makit.”
“Bayar nya enda ngira sekalika pemansut minyak palan (ngebur) sekalika bisi meri penguntung tauka enda.
Ari rega setong, 70 peratus ari pemansut kasar minyak enggau gis nya ke bendar mungkur ti ungkus ti diadaka Petronas,” ku iya seraya madahka kompeni nya nanggung bukai baka Akta Chukai Petroleum.
Azmin madahka PDA nyata madahka pemeri royalti nya begunaka sempekat ari nengeri ti mansutka minyak.