Ketegal nya aku ngagihka RM10 juta ngagai Sarawak Energy ngambi tau dikena ngadu pansik lalu numbuhka palan tu
KUCHING: Sarawak Energy Berhad (SEB) kemari ngelanchar projek pemungkal, Loji Pengeluar Hidrogen enggau Stesyen Hidrogen besemak enggau opis SEB di Jalai Belian, Bintawa.
Projek digaga nengah kerejasama sebengkah kompeni ke landik ba pemansang hidrogen, Linde Malaysia Sdn Bhd.
Pengawa kemari dikemujur Kepala Menteri Datuk Patinggi Abang Johari Tun Openg.
Abang Johari ba jaku iya madah hidrogen ulih dikena ba servis perengka pengangkut baka bas enggau keretapi ti ngeluar kuasa ke beresi.
“Sarawak Energy bisi 4 iti palan tekat ai. Ai tu ulih diproses ngambi nyadi hidrogen.
“Ketegal nya aku ngagihka RM10 juta ngagai Sarawak Energy ngambi tau dikena ngadu pansik lalu numbuhka palan tu,”ku iya.
Abang Johari nambah, Sarawak betuah ketegal ti ngembuan mayuh pengerajasa asal lalu aiseiti entara nya.
Semua pengeraja asal tu ku iya meseti diproses nguna teknologi baru lalu pemujur ba pekara nya ulih nyaup ngangkatka ekonomi nengeri.
Abang Johari nambah enti projek ngemansutka hidrogen
Ketegal nya aku ngagihka RM10 juta ngagai Sarawak Energy ngambi tau dikena ngadu pansik lalu numbuhka
tu. ” palan Datuk Patinggi Abang Johari Tun Openg Kepala Menteri Sarawak
mujur, Sarawak ulih nyadi nengeri nyual hidrogen kelimpah ari minyak enggau gis.
Loji Pengeluar Hidrogen enggau Stesyen Hidrogen disadang tembu digaga ba taun 2019 lalu nyadi stesyen keterubah di Asia Tenggara.
Ba pengawa kemari Sempekat Pemereti Ati (MoU) bisi disain entara Sarawak Energy enggau Linde Malaysia Sdn Bhd.
Sarawak Energy diarika Chairman Datuk Amar Hamed Sepawi lalu Linde Malaysia Sdn Bhd diarika Ketuai Unit Dagang Rob Hughes.
Bela datai Menteri Utiliti Dato Sri Stephen Rundi Utom enggau Ketuai pemesai Eksekutif SEB Sharbini Suhaili.