‘Perjanjian Tawaran Baharu’ manah agi ari ti kala dibantai perintah BN
KUCHING: Pakatan Harapan ( PH) Sarawak deka mantaika langgur penemu ‘Perjanjian Tawaran Baharu’ ti deka dibai ngagai komiti khas kabinet ngambi beratika pengawa neritka Sempekat Malaysia 1963 (MA63).
Pekara tu dibantaika Sapit Menteri Dagang Dalam Menua, Koperasi enggau Pekara Bebelika Barang (KPDNKK), Chong Chieng Jen ti nyadi Chairman PH Sarawak rambau aum pengarang berita di Indu Opis Parti Tindakan Demokratik (DAP) nengeri ditu, kemari.
Kaban Parlimen ( MP) Stampin nya madahka, pengawa mantaika langgur penemu ‘ Perjanjian Tawaran Baharu’ nya deka dibantai sehari tu begulai enggau Menteri Kereja Raya Baru Bian ke mega Sapit Chariman PH Sarawak.
“Semua MP PH nyengkaum Baru deka datai maya atur pengawa mantaika lang-
Komiti khas kabinet ti deka ditumbuh ila deka beratika chara bukai ngambi bekunsika asil minyak enggau adil sereta sebela ari perintah. Chong Chieng Jien Sapit Menteri KPDNKK
gur penemu ‘Perjanjian Tawaran Baharu’ ti deka digaga di luar aum Parlimen pagila (sehari tu).
“Komiti khas kabinet ti deka ditumbuh ila deka beratika chara bukai ngambi bekunsika asil minyak enggau adil sereta sebela ari perintah,” ku iya.
Chong nerangka langgur penemu ‘Perjanjian Tawaran Baharu’ ti ila deka manah agi dibida enggau ti kala diberi perintah Barisan Nasional (BN) sepanjai megai perintah menua tu ngagai Sarawak.
Tambah mega ku iya, langgur penemu ‘Perjanjian Tawaran Baharu’ tu digaga berindik ari perintah nengeri ti datai ari Gabungan Parti Sarawak (GPS) nulak langgur penemu diberi rambau Pengawa Bepilih Besai Ke-14 (PRU-14) nyin tadi.
“Kitai nguji chara bukai dikena nyaga pemerat rayat Sarawak ti meruan agi,” ku iya.
Dulu ari nya, Chong ti mega Kaban Kunsil Nengeri (ADUN) Kota Sentosa madahka Sim Kiat Leng dipadu nyadi Pemantu Khas iya ke baru dikena nyaga pekara ba sitak menua diarika iya.
“Iya deka begulai enggau Aziz Isa enggau Christina Chew mantu nyaga sitak menua ti diarika aku.
“Nya alai, peranak di sitak diarika aku tau betanya ngagai Sim ba lumur 016-4262210,” ku iya.
Sama bisi datai MP Bandar Kuching Dr Kelvin Yii enggau Chairman DAP Sri Aman Leon Jimat Donald. KUCHING: Raban Kaunsil Kandang Menua (PBT) Kaunsil Pelilih Serian deka ngatur Serian Rafting Challenge (SRC) 2018 kena 18 Ogos tu ba Kampung Tema Mawang lalu tembu ba Kampung Tebakang Dayak.
Nitih ku penerang berita raban nya kemari, bayar penyereta beraban (empat iku) semina RM100 aja nyengkaum insuran pesereta.
Kelimpah ari berakit, raban sida mega bisi ngatur Pekit Ratu Bilanting, Pekit Karaoke, Pengawa Mandang enggau Bejual, Chabut Tikit Benasit enggau Lumba Rama.
Pom penyereta tau diambi ba Opis Kaunsil Pelilih Serian tauka dibatak ari website www.seriandc.sarawak.gov. my
Hari bulan kepenudi rejista enggau nganjung pom penyereta kena 13 Ogos tu.