PH enda ngadang pemedis ngelangkar manifesto royalti minyak
KUCHING: Jaku Chairman Pakatan Harapan ( PH) Sarawak Chong Chieng Jen bekait enggau bayar royalti minyak ngagai Sarawak nyadi pemerat ke ditanya enti pekara nya ‘ sejalai’ enggau penerang pemesai PH dalam Perintah Besai bekait enggau janji deka mayar royalti dalam ‘Tawaran Baru’ ngagai Sarawak baka ke dipadah ulih sida.
Menteri Muda di Opis Kepala Menteri ( Pekara bekait enggau Korporat) Abdullah Saidol madahka Menteri Ekonomi Datuk Seri Mohamed Azmin Ali sebedau tu madahka royalti dibayar ngagai Sarawak bepelasarka untung beresi, lalu ukai pengeluar kasar baka ke digaga diatu.
Iya nandu baru madahka, Azmin ngaku Perintah PH enda ngadang pemedis ke deka ditapi sida lebuh ngaga pengawa tu, iya nya nambah penyampau royalti lebuh ngelangkar manifesto pengawa bepilih besai PH tu tadi.
“Aku madah ngagai Chong baru bekait enggau janji iya baka ke dipadah sereta ditaburka kena 11 Mac, 2018 taun tu tadi.
“Tuan Chairman PH Sarawak, baka ke udah disemaya nuan, kemaya nuan deka mantaika Usul di Parlimen ke ngasuh nuan temegah endar ati, ke diserumba nuan ubah nya ‘mit’ aja Seksyen 2(1) PDA 1974?. Aku besetuju enggau nuan, iya nya ubah mit nya ngulihka Sarawak minta pulai baru hak ba semua minyak enggau gis ke ditemu di menua tu.
“Lebuh macha penerang PH Sarawak enggau silik, baru tu tadi, kitai nanya enti PH Sarawak ‘sejalai’ enggau pemesai PH di dalam pengawa sida iya megai Perintah,” ku iya.
Abdullah madah Azmin nengah penerang iya ti dibacha di Parlimen sebedau tu, bisi nyebut ubah ba PDA (Akta Pembangunan Petroleum) 1974 patut digaga, ngambika ulih ngaga pansik royalti.
Tang, Chong enggau PH
Tuan Chairman PH Sarawak, baka ke udah disemaya nuan, kemaya nuan deka mantaika Usul di Parlimen ke ngasuh nuan temegah endar ati, ke diserumba nuan ubah nya ‘mit’ aja Seksyen 2(1) PDA 1974?. Aku besetuju enggau nuan, iya nya ubah mit nya ngulihka Sarawak minta pulai baru hak ba semua minyak enggau gis ke ditemu di menua tu. Abdullah Saidol Menteri Muda di Opis Kepala Menteri (Pekara bekait enggau Korporat)
Sarawak, nengah penerang sida ke baru madahka ‘enti Petronas enda ulih mayar penuh 20 peratus royalti nya, Perintah Menua deka nambah tauka mayar laluh ke kurang nya”.
Iya madah beratika PH Sarawak enggau Menteri Perintah Besai PH nadai berandau enggau manah, lalu gaya bansa tu mandangka “Tawaran Baharu” PH Sarawak nadai kredibiliti.
Berindik ari nya ku Abdullah, Chong diberi pilih, iya nya ngamatka semaya iya (Chong) mantaika Usul nya ngasuh ngubah Seksyen 2(1) PDA, tauka madah ngagai Azmin, iya nya Seksyen 3(2) PDA madahka, “Kaunsil bepanggai ba Atur enggau Pemerat ke Diibun ulih Menteri Besai ke bisi kuasa mansutka atur baka ke diperundingka iya, nya siti pengawa ke patut,” ku iya.
“Aku madah ngagai Chong sereta pemesai PH, nyadang ngagai Menteri Besai, ngambika pengawa meri royalti 20 peratus ukai bepelasarka untung tang ari penyampau minyak sereta gis ke di ulih ari Sarawak .
“Ngambika muntang agi diperetika kitai, Chong sereta pemesai PH Sarawak enda tau enda ngereja pengawa nya enggau lengkas, anang muai jam ke kiruh deka meri kelala tawar ke ngerichau munyi nya,” ku iya.
Abdullah mega nanya Chong enti iya arap endarka rayat Sarawak arapka Perintah Besai PH deka ngamatka semaya mayar laluh royalti 20 peratus enti Petronas enda ulih mayar Sarawak.
“Umbas meh nya ngemaruhka rayat Sarawak... Pekara ketiga dalam penerang PH Sarawak seharitu (ensanus) siti agi chunto politik ke ngambi ulih (manipulation) ke seruran digaga pemesai PH.
Nitihku penerang ari PH Sarawak, ketegal Perintah Menua enda nerima pemerat asal ke deka diberi ulih Perintah Besai, Perintah Besai kenu deka berunding baru pasal semua janji ke dipinta ulih Perintah Menua,” ku iya.
“Terang endar, bisi utai ke bula ditu laban pemerat asal ke dipinta ukai datai ari Perintah Besai. Kemaya Perintah besai bisi meri sadang pemerat nya?
“Enti Chong enggau PH Sarawak amat bendar sereta abis ati pasal ‘Tawaran Baru’ sida iya, sida iya patut minta Menteri Besai tauka Menteri Wang mantaika pemadah pasal pemerat nya,” ku iya.
Ku Abdullah, iya pechaya PH Sarawak enda ulih ngamatka semaya sida iya dalam ‘ Tawaran Baru’ nya enti nadai pemendar ari Kabinet Perintah Besai.
Sekali agi, PH Sarawak bejaku pasal sadang sida, iya nya Sarawak patut ngambi tanggungjawab penuh penuduk wang menua tu bejalaika pengawa bekait enggau Pelajar sereta Pengerai, ku iya.
“Tang ba lansa bukai, PH terang mandangka pengawa sida iya ke enda ulih dikarapka ngamatka semaya baka ke dipadah dalam ‘Tawaran Baru’ nya, lalu utai ke ngenyitka ati, iya nya sadang sida ngenusahka Perintah Menua ari penuduk wang menua tu, lalu ngambi tanggungjawab ngemutarka pekara bekait enggau Pelajar enggau Pengerai.
“Kededua portfolio nya terang enda udah ditulis Undang-undang Perintah Besai nyadi tanggungjawab tetap Perintah Besai.
“Nya utai ke di uji sida ke melakangka rayat Sarawak lalu miakka tuai sida iya, Perintah Besai PH,” ku iya.
Berindik ari nya, Abdullah nyadang ngambika Baru Bian ti nyadi Menteri Kereja enggau Chong ke nyadi Sapit Menteri Opis Menteri Pengawa Dagang Dalam Menua enggau Pekara Bebeloika Barang betatika pengawa seduai iya ba opis menteri diri empu.
“Beratika JKR (Opis Kereja) teulihka ungkup ke besai lalu ngaga jalai alun ke manah agi di Sarawak.
“Tanya aku ngagai YB Chong, enti iya arap sereta pechaya, iya nya rega barang ke diguna kitai tetiap hari bisi udah nurun tauka murah agi ari sebedau tu? Patut iya semina diberi penuduk Sapit Menteri Perintah Besai aja,” ku iya.