Gelar champion Nangka Challenge Series 2018 (NCS) ke-2 deka diperebut 32 tim

SIBU: Gelar champion Nangka Challenge Series 2018 (NCS) renggat kedua deka diperebut 32 iti tim kena 4 enggau Ogos tu.

Chairman komiti pengatur futsal NCS Halel Mohamad Ibrahim madah, lebih 20 iti tim ke ngambi bagi nya kala besemekih ba pekit renggat keterubah ti diatur kena 7 enggau 8 Julai tu tadi.

“Naka ke diatu, futsal renggat kedua NCS semina natak 32 iti tim aja taja agi mayuh tim bela bisi ati ngambi bagi ba pekit tu,” pia ku iya madah, empai lama.

Halel madah, pekit serak tu dibuka ngagai tim ke kala ngambi bagi ba renggat keterubah kelimpah ari empat tim pemadu manah.

“Kitai nerima tim ari serata nengeri Sarawak,” ku iya sambil madah pekit nya deka diatur ba Gelanggang Futsal Kampung Nangka enggau Gelanggang Futsal Kampung Dato Baru.

NCS 2018 tu diatur Sekretariat Main Asal, Penyerakup, Lumba enggau Main Nangka, Raban Nembiak PBB enggau Palan Servis DUN Nangka.

Gelar champian ba tiap bengkah renggat pekit mai pu- lai perais mata duit RM1,500, lumur dua (RM1,000) enggau dua tim bekunsi penuduk lumur tiga (RM250).

Ba kepenudi, champian mai perais mata duit RM5,000, lumur dua (RM4,000), lumur tiga (RM2,000) enggau lumur empat (RM1,000) sereta bela disempulang tropi enggau midul.

Renggat keterubah futsal NCS, gelar champian diempu tim VK ditangkan ZRO69 Familia ba penuduk lumur tiga.

Penuduk lumur tiga diempu begulai tim Naga Asmara enggau Triplex B.