Polisi perintah sebedau tu ngungkupka 10 peratus kuota ke ukai Bumiputera
SIBU: Gerempung Ex-Soldadu Tasik Diraja Malaysia ( PBTLDM) Nengeri Sarawak ngarapka perintah Pakatan Harapan ( PH) ulih nambahka agi penyampau kuota ngagai ukai Bumiputera masuk nyadi soldadu.
Yang Dipertua PBTDLM Sarawak Thomas Ling madah, sebedau tu polisi perintah ke lama ngungkupka 10 peratus kuota ngagai bansa nya.
“Kami ngarapka perintah PH nikika agi kuota tu tauka enda bepanggai ba penyampau kuota ngambika ulih meri awak ngagai nembiak pupu bansa nyadi soldadu,” pia ku iya madah nengah penerang media, kemari.
Thomas madah, gerempung sida suah bendar bekerejasama begulai enggau Unit Sumber Manusia Opis Menteri Pengetan Pengelikun ngambi bansa ukai
Kami ngarapka perintah PH nikika agi kuota tu tauka enda bepanggai ba penyampau kuota ngambika ulih meri awak ngagai nembiak pupu bansa nyadi soldadu. Thomas Ling Yang Dipertua PBTDLM Sarawak
Bumiputera nyadi soldadu, baik nya di Sarawak tauka Semenanjung Malaysia.
Tang ku iya, mayuh nembiak bansa China ti ulih nyadi soldadu enda diterima laban penyampau kuota udah ditatak.
Ba pekara bukai, iya madah, Soldadu Langit Diraja Malaysia (TUDM) deka ngambi Perajurit Muda Udara Wanita Siri 58/18.
Berindik ari nya, Thomas nesau nembiak nengeri Sarawak nyengkaum bansa China beambi ulih ari awak ke dibuka nya.
Ba Zon Sarawak, pengawa nya deka diatur ba Kem Rascom, Batu 10, Sibu kena 7 Ogos enggau di Dewan Angkasa, Pangkalan Udara Kuching kena 9 Ogos tu.
“Pengawa ngerejister belabuh 8 pagi nyentuk 9 pagi.
“Semua dipinta datai bekenaka ngepan lumba enggau main sereta bekasut kelimpah mai dokumen bekaul enggau pom rejister ti tau diambi ba internet.
“Pom tu tau diambi nengah www. airforce. mil/ kerjaya/ pengambilan- terkini,” ku iya nerang.
Kelimpah ari nya, bala nembiak mega tau terus berandau enggau Thomas empu nengah lumur 013-8017056 tauka Penolong Pegawai Tadbir, Syafikah Nursahara (010-9337056/084-341953).