Lumur plat edisyen ‘MALAYSIA’ dibuka kemari nyentuk 15 Ogos tu

SEREMBAN: Lumur plet rejista kerita edisyen ‘Malaysia’ diatu udah dibuka tinda berengkah ari sehari tu (kemari) datai ngagai 15 Ogos enggau rega buking minima RM10,000 ke lumur 1 ngagai 10.

Menteri Pengangkut Anthony Loke Siew Fook madah mensia mayuh tau ngaga tinda nya di Indu Opis Pengangkut Jalai (JPJ) Malaysia di sitak menua kediri empu lalu pe- mutus nya ulih ditemu kena 29 Ogos tu.

“Lumur pengerijista kerita edisi Malaysia nya ngembuan empat kategori lalu tetiap iti nya bisi penyampau tinda minima, alai ke kategori ‘ Nombor Bernilai Utama RM10,000’ iya nya lumur 1 ngagai 10 pengabis baruh RM10,000, Lumur ke Manah RM2,000 enggau RM300 ke Lumur Popular enggau Lumur kediatu.

“Sida ke bisi ati deka ngaga tinda nya tau nitihka sistem manual ke bisi diatu...nadai lumur ke ulih di’reserve’ (buking) ulih sapa-sapa nyengkaum orang besai, aku empu pan ngaga tinda di opis JPJ seharitu,” ku oya.

Iya madah munyi nya lebuh dikerandau pengudah ngaga tinda ke lumur 509 edisi nya, enggau penyampau tinda RM1,509, ke nyadi kelai haribulan Pengawa Bepilih Besai ke-14 di Indu Opis JPJ Negeri Sembilan ditu, kemari.

Loke madah lumur lumur plet edisi kerita 2020, taja pia diungkupka Menteri Besai Tun Dr Mahathir Mohamad.

“Lumur tu disimpan kami ke Tun M, tang enti Tun M enggau, baru kami muka tinda ngagai mensia mayuh,” ku iya.

Lebuh madah enggau silik agi, Loke madah sistem e- bidding kediatu, enda ulih digaga berindik ari penanggul teknikal.

“... kami ngetuka dulu sistem tu laban diatu kami majakka tinda ngena sistem manual tauka sistem ke udah bisi diatu,” ku iya.

Ba lansa nya mega, Loke madah enda datai 20 minit tinda dibuka, urung 47 orang ke ngaga tinda udah ngaga tinda ke lumur plet a edisi nya di serata menua. — Bernama