Apai indai orang ti pemadu beguna ngelangkar pejalai anak nengah pengawa nerenakka ulah ti manah bepun ari rumah
SRI AMAN: Direktor Opis Pemansang Mensia Mayuh (KEMAS) Nengeri Sarawak, Mohd Zamri Mustajap madah pengawa meri pelajar menyana ngagai bala anak kemaya hari nyadi puku ti manah amat ungkup pemujur pengidup sida udi hari.
“Nya kebuah, pengidup bala anak kitai bepanggai ba pengawa kitai nyeridi ulah enggau pelajar ti diterima sida diatu, ke alai apai indai iya nya orang pemadu beguna ngelangkar kuing pejalai bala anak jemah,” ku iya.
Iya mansutka jaku tu lebuh pengawa ngelancharka Program Pra Hari Kebangsaan KEMAS Sarawak Renggat Nengeri Sarawak bepalan di Tabika KEMAS Kem Temudok, Sri Aman semak ditu, pagi kemari.
Ku iya, meri pelajar menyana ngagai bala anak kemaya hari nyadi puku ti diperanak chukup manah ungkup pengidup jemah.
Nya alai nadai rugi apai
Nya kebuah, pengidup bala anak kitai bepanggai ba pengawa kitai nyeridi ulah enggau pelajar ti diterima sida diatu, ke alai apai indai iya nya orang pemadu beguna ngelangkar kuing pejalai bala anak jemah. Mohd Zamri Mustajap Direktor KEMAS
indai beranakka puku dikena nyamin pengidup anak sida lalu deka ngasaika asil ari puku nya ila.
Pia mega ku iya, apai indai anang semina ngelempaika tanggungpengawa nyeridi bala anak sida ngagai bala pengajar aja, tang tanggungpengawa nya patut dipejalaika semua raban.
Berebak enggau nya, ku Zamri, Tabika KEMAS serata nengeri seruran bebendar gawa lalu enda mudah mantul ngapa bejalaika tanggungpen- gawa ngemansangka modal mensia nengah pengawa ngatur kelas tabika serata nengeri.
Tambah mega, KEMAS ke bisi diatu chakah gawa sereta suah bejalaika tanggungpengawa sida nyadi siti ejensi perintah ti bebendar gawa nempa modal mensia ti nyulut.
“Aku temegah ati amat meda pengawa bala pengajar KEMAS ti chukup komited ba sebarang program diatur nyengkaum nyediaka pelajar menyana ngagai nembiak tadika kitai,” ku iya.
Ku iya, ukai pengawa muntang baka ti dipikir kitai, meri pelajar menyana ukai semina ngajar sida ba semua pekara, tang mega begunaka pengepuh enggau pengeliat ati bala pengajar KEMAS.
“Sida tu sanggup nyeridi bala anak mit ari umur 4 ngagai 6 taun dalam siti raban ti besai, seraya kitai deka ngiga chara pemadu manah meri servis ti meruan ngagai bala anak kitai di nengeri tu,” ku iya.
Sama bisi datai dua iku sapit iya, Fatimah Rosli enggau Dayang Monalizawati Abang Ismail sereta dua iku penulung iya, Joseph Unsong enggau Langi Liban sereta Pemesai KEMAS Bagi Menua Sri Aman, Josipah Sabas.
Bisi 200 iku pesereta datai ari bala pengajar KEMAS sereta nembiak mit ari enam buah Tabika KEMAS Kem Temudok Sri Aman enggau Opis Bomba Sri Aman nyereta program nya.