Industri herba dipelabaka ulih nempa pengaya baru ke menua
KUCHING: Pengaya biodiversiti menua tu bisi peluang besai ngagai industri herba ngerembai sereta tau dikearapka mansang jemah ila.
Sapit Ketuai Sekretari Opis Menteri, Kuasa, Sains, Teknologi, Rampa Menua enggau Ubah Gaya Hari (MESTECC) Profesor Madya Dr Ramzah Dambul madah, nya mega ngangkatka agi aktiviti ekonomi nyengkaum aktiviti ekonomi pemun enggau enggau produk bukai ke ari nya sereta semua pemaik ba rentayan nya.
“Ari nya ulih mantu mayuh agi ngagai ekonomi dalam sektor betanam bet- upi sereta Pemansut Kasar Dalam (KDNK) menua.
“Industri herba enggau rempah endang lama udah ditumbuhka dalam industri di dunya lalu pemansang industri nya jemah ila dipelabaka nempa pengaya baru ke menua,” ku iya.
Iya madahka munyi nya maya bejaku bejadika Meeting of Consortium for Globalization of Chinese Medicine ( CGCM) Ke-17 ke diatur CGCM begulai enggau Institut Bioteknologi Kebangsaan Malaysia (NIBM) sereta Institut Farmaseutikal dan Nutraseutikal Malaysia (IPharm) ba BCCK ditu, kemari.
Ku Ramzah baru, enda ulih dikeenggaika Perubat Tradisional China tauka TCM nyadi sebagi ari ke pemadu beguna dalam sistem nyaga pengerai ke tebal agi di menua Asia ti bepanggai ba produk asal.
Ku iya, nya beguna amat dalam nyaga pengerai sereta nagang penyakit pengelama beribu taun.
“Nambahka nya, semua ubat ti dikena dalam perubat asal China endang asal, iya nya siti ari pemanah besai,” ku iya.
Kelimpah ari nya, Sekretari Mendam Opis Menteri Pelajar, Sains enggau Pansik Teknologi, Datu Sudarsona Osman lebuh ke bejaku madahka perintah nengeri temegah ati sereta beterima kasih ngagai CGCM laban milih nengeri tu nyadi palan ngatur program ti ngempuruka lebih 250 pengari ke tebal agi ari China.
Ku iya, nya ukai semina nyadi palan bekunsi penemu begulai enggau saintis sereta pemansik dalam perubat China tang sejarah ke pemadu beguna ngagai CGCM.
“M i l i h K u c h i n g , Sarawak endur CGCM baum mandangka nengeri tu nyendiaka mayuh pemaik strategik nyadi pa- lan ti senipak sereta ‘one stop centre’ ngagai ejensi pemansik, institut pelajar tinggi enggau ejensi korperat.
“Nengah tu bekunsi runding, penemu enggau peneleba meri penguntung ngagai mensia,” ku iya dalam jaku ke dibacha sapit iya, Dr Abdul Rahman Deen.