Aw Yong champion Pekit Golf Sarawak Amatur Master Ke-11

KUCHING: Aw Yong Jhie bulih gelar champian ba Kategori Gross 54 lubang Pekit Golf Sarawak Amatur Master Ke-11 ungkup taun 2018 ke diatur di Kelab Golf Sarawak(KGS) ditu, kemari.

Enggau pemujur nya Aw ke ngerikod 221 palu nerima perais mata duit RM3,000 besereta tropi.

Perais disua patron pekit, Sapit Kepala Menteri Tan Sri James Masing.

Penuduk lumur dua enggau tiga pulai ngagai Lee ka Tong enggau Lee Ka tiong ke alai seduai sama bela ngerikut 223 palu.

Seduai nerima perai mata duit RM2,400 ungkup lumur dua enggau RM1,500 lumur tiga.

Ungkup kategori nett 36 lubang, gelar champian pulai ngagai Johari Aman ke alai iya ngerikut 140 palu lalu iya nerima perais mata duit RM 1,500.

Penuduk lumur dua enggau tiga ba kategori nya pulai ngagai Abdul Aziz Ismail enggau Micheal Lee. Seduai nerima perais mata duit RM1,000(lumur dua) enggau RM8,00 ungkup lumur tiga.

Masing ba jaku rambau pengawa nyuaka perais madah diri gaga ketegal pekit majak matak mayuh raban orang ke rindu ba main golf ari serata Sarawak.

“Pia mega jaku pui diberi ngagau semua penyereta ti udah mandangka pengelandik bemain golf dalam timpuh 3 hari pekit tu diatur,”ku Masing.

Bela datai Chairman Pengatur Pekit Dato Sri Thomas Lau, Presiden Gerempung Gokf Sarawak Hoan Kee Hock.