Juluk SMK Sematan deka bisi sebuah balai raya nyadi nyata
KUCHING: Juluk ati Sekula Sekondari (SMK) Sematan deka ngembuan sebuah balai raya nyadi nyata pengudah perengka guna nya diatu tembu digaga lalu lantang alai semua orang ba sekula nya begempuru.
Balai raya tu berengkah digaga nengah pemeri ari niang ex- Kepala Menteri Pehin Sri Adenan Satem lalu kereja ngaga dipejalai dalam taun nyin tadi enggau ungkus RM375,000 udah diberi nama Dewan Sinar Sri Jamilah.
Nama tu diberi dikena ngingatka Datuk Amar Jamilah Anu nyadi Kaban Kunsil Nengeri (ADUN) Tanjong Datu.
“Aku berasai lantang amat laban balai tu udah tembu. Tu nyata ngayanka perintah nengeri endang keran meri pengelantang ngagai sekula enggau bala komuniti diau di menua nya,” ku Jamilah lebuh bejadika balai nya di SMK Sematan, ditu, kemari.
Nya kebuah iya meri terima kasih ngagai pengawa enggau komitmen perintah nengeri ba pengawa ngemansang enggau nyediaka pelajar ti sebela ari sukut nyediaka infrastruktur kelebih agi di sekula nya.
“Ngarapka polisi perinath ti manah tu seruran bisi pulaika pemaik begulai,” ku iya.
Beratika polisi perintah ti manah nya, Jamilah madah tu nghayanka rayat enda tau enda ngenang pengawa perintah ke dulu enggau diatu ba pengawa ngemansangka nengeri Sarawak.
Ku iya, rayat patut ngenang sereta begempung nentuka juluk perintah nengeri ngemansangka rayat enggau nengeri tu dijapai.