JPS patut meri peluang ngagai raban graduet Unitar
Sekeda graduet Unitar enda dinah adil sereta dikelaung ngisi pengawa puang ngajar di nengeri tu
KUCHING: Pemantu ‘khas’ ngagai Kaban Parlimen (MP) Stampin Chong Chieng Jen, Abdul Aziz Isa madah sekeda graduet ari Universiti Tun Abdul Razak (Unitar) enda dinah enggau adil.
Iya ke mega Sekretari Pemadah bagi Nembiak DAP Sarawak madah nadai kebuah ke nyemetak diberi Opis Pelajar Sarawak (JPS) ti enda nerima penau pengajar tu ketegal sida sigi bisi setipikit lalu keran deka ngajar enda baka sekeda ari nengeri bukai.
“Bisi rintai nama graduet Unitar ke nadai batang pengawa tang pangku pengawa nya diisi raban pengajar ke keran deka mindah pulai ngagai Semenanjung Malaysia,” ku iya nengah surat penerang berita kemari.
Nitihka polisi 90:10 Perintah Nengeri Sarawak ku Aziz, aku minta Opis Pelajar
Bisi rintai nama graduet Unitar ke nadai batang pengawa tang pangku pengawa nya diisi raban pengajar ke keran deka mindah pulai ngagai Semenanjung Malaysia. Abdul Aziz Isa Sekretari Pemadah Nembiak DAP Sarawak
ngambi 105 iku graduet ari Unitar ke mega peranak asal nengeri tu ngisi pengawa puang nyadi pengajar.
Abdul Aziz mega nerang kebuah pemutus peresa perintah Sarawak enda manggai ba standard ke patut.
“Raban pengajar ke nadai ati deka ngajar sereta nadai komitmen nempa pemutus ke enda manah. Ketegal nya aku enda tekenyit pemutus peresa perintah Sarawak enda mang- gai standard ke patut.
“Paung ke enda manah nempa pun kayu ke enda manah lalu pun kayu tu ngasilka buah ke enda manah mega,” ku iya.
Enti pengajar di Sarawak nadai ati deka ngajar sereta nadai komitmen, pekara tu deka meri empas ba pemutus peresa, tandu Aziz.
Iya madah kitai deka nentuka bala nembiak nerima ajar ari pengajar ke bisi setipikit lalu pekara ke udah tu enda ulih dilak nyadi.
Aziz alit ati pengudah 105 iku graduet tu minta diambi nyadi pengajar nengah www. jobmalaysia. gov. my. tang enda dikangau interbiu tajapan udah graduet ba taun 2013.
Ku iya nambah ba taun 2010, siti memo bisi disadung madah Opis Pelajar berengkah ngambi pengajar baru ke graduet ari IPTA enggau IPG (Palan Pelajar Tinggi) tang pengudah nya, grduet ari Unitar dikelaung.