Perintah nengeri beratika sensitiviti pekara tu sereta ngaku begunaka pemutus nyerenih baru ordinan ke udah bisi
KUCHING: Nengeri diatu ba renggat kepenudi endar deka mantaika prosedur ke digaga ari baruh Ordinan Prosedur Sivil Syariah 2001 ( Cap 44) ke bisi kes ‘murtad’ (pansut ari jalai pengarap Islam) ti deka dipending sereta diputuska Kort Syariah.
Menteri Muda ba Opis Kepala Menteri, Undang-Undang, Kaul Perintah Nengeri enggau Perintah Besai sereta Matau Projek, Sharifah Hasidah Sayeed Aman Ghazali madah ngagai The Borneo Post, ke alai perintah nengeri bejejaga enggau sensitiviti bekaul pekara tu sereta ngaku nya begunaka pemutus, nyengkaum nyerenih baru ordinan ke udah bisi, atur enggau prosedur dikena mutarka isu nya.
“Pemutus tu digaga nyadika referen ngagai pemutus kort Federal kena 27 Februari 2018 ti madahka Kort Syariah bisi kuasa nentu sekalika sesiku nya Islam tauka ukai ,” ku Hasidah madah ngagai The Borneo Post.
Kena 27 Februari 2018 , Kort Federal udah nulak apil empat iku di Sarawak ti dekaka kes ngelengkaka jalai pengarap dipendingka ba kort sivil.
Lima iku kaban panel akim betuaika presiden Kort Apil, Zulkefli Ahmad Makinudin sepenemu merintahka Kort Syariah di Sarawak bisi kuasa mendingka kes nya.
Ku Zulkefli, taja pan Ordinan Kort Sarawak Syariah nadai kuasa ba pengawa nukar jalai pengarap, tang Ordinan dalam Majlis Islam Sarawak bisi kuasa lalu nya tau dikena Kort Syariah mendingka kes nya.
Kaban bukai panel nya, Ketuai Akim Keadilan Malaya Ahmad Maarop enggau Hasan Lah, Jeffrey Tan sereta Ramly Ali.
Sida ngengkahka nama Direktor Opis Islam Sarawak,Kaunsil Islam Sarawak, Direktor Besai Opis Pengerejista Bansa eng- gau perintah nengeri nyadi responden.
Dalam taun 2015, raban ke ngapil nya udah enda mujur minta ngagai Kort Tinggi ke alai sida nya udah megai pengarap Kristian sereta minta surat ngelengkaka sida ari Islam lalu minta jalai pengarap sida ditukar ngagai Kristian dalam kad pengelala.
Kort Tinggi enggai mendingka kes sida lalu kort sivil mega nadai kuasa mendingka kes nya.
Apil sida ngagai Kort Apil ditulak dalam taun 2016, pen-
Pemutus tu digaga nyadika referen ngagai pemutus kort Federal kena 27 Februari 2018 ti madahka Kort Syariah bisi kuasa nentu sekalika sesiku nya Islam tauka ukai. Sharifah Hasidah Sayeed Aman Ghazali Menteri Muda ba Opis Kepala Menteri, Undang-Undang,Kaul Perintah Nengeri enggau Perintah Besai sereta Matau Projek
gudah nya sida ngapil ngagai Kort Federal ba sentang sapa ke ngembuan bidang kuasa nya.