Aum besai nya nyengkaum program saintifik, ngempung sains, inovasyen enggau runding dikena nyaga pengerai ti betul
KUCHING: Mengeri besai tu dipilih endur ngatur Academy For Silent Mentor (AFSM) Triparties Conference 2018 kena 14 - 15 Disember 2018, ba BCCK.
Chairman Pengatur AFSM Tripartite Conference 2018, Prof Dr. Chin Fah Kin madahka aum besai nya nyengkaum program saintifik, ngempung sains, inovasyen enggau runding dikena nyaga pengerai ti betul.
“Aum besai tu ila deka dipenyadika Sapit Kepala Menteri Tan Sri Datuk Amar James Jemut Masing.
“Ba aum besai tu mungkur deka mungkur 5th Academic conference for Asian Society of Cryosurgery; Inaugural Conference on Cancer Innovation enggau Inaugural Conference On Humanity, Bioethics anda Medical Outreach.
“Urung 85 iku pengelicha ari serata dunya sereta urung
Urung 85 iku pengelicha ari serata dunya sereta urung 400 iku ti nyereta deka berandauka mayuh macham topik ke lalu nyadi pelasar endur belajar ngagai semua. Dr. Chin Fah Kin Chairman Pengatur AFSM Tripartite Conference 2018
400 iku ti nyereta deka berandauka mayuh macham topik ke lalu nyadi pelasar endur belajar ngagai semua,” ku iya.
Dr. Chin mansutka pekara nya dalam aum pengarang berita AFSM Triparties Conference 2018 ke diatur ba BCCK ditu, kemari.
5th Academic Conference for Asian Society of Cryosurgery keterubah iya Gerempung nya ngatur di luar menua China, nengah bengkel pre- congress live crysurgery and live microwave.
Tuju aum besai akademik ke- 5 deka mekuh ngagai raban pemansang akademik, ngenegapka pengawa betukar akademik di dalam enggau di luar menua sereta ke bukai, ti deka ngempuruka pakar bidang Interventional Oncology sereta ngemaruka ripot pasal cryosurgery.
Kedua, Inaugural Conference on Cancer Innovation deka mekuh ngagai pemansang ke pemadu baru dalam bidang stem cells enggau celluar therapy/immunotherapy ngagai pesakit riman.
“Keterubah iya AFSM ngatur Inaugural Conference on Cancer Innovation, mai saintis Malaysia enggau saintis antarabansa ngambika bekunsika penemu sida dalam mansik riman,” ku iya.
Ketiga, Inaugural Conference On Humanity, Bioeth- ics anda Medical Outreach ku iya, deka diatur UNESCO BIOETHICS Chair enggau Royal College of Physicians and Surgeons of Glasgow.
Ku Dr. Chin tu keterubah iya, ngempung runding enggau sains dalam bidang perubat mensia.
“Ba aum ketiga tu, kami ngelaluka pengari ari sektor peribit enggau Gerempung Ukai Dikuasa Perintah (NGO) ti nyengkaum sida ti meri sukung ngagai pesakit,” ku iya seraya ngarapka nya ulih nambahka penemu mensia mayuh di Kuching sereta ke ngelingi,” ku iya.
Sama bisi datai kemari, Deputy Dean, Faculty of Medicine and Health Sciences, Universiti Malaysia Sarawak, Prof Dr. Mohammad Zulkarnaen Ahmad Narihin, pengari ari Royal College of Physicians and Surgeons of Glasgow Profe Dr. Clarence Lei Chang Moh enggau ke bukai.