PKJR enda meri penanggul ngagai pengawa pengajar
SIBU: Opis Residen Sibu eng- gau Persatuan Bina Badan dan Angkat Berat Sibu (SDBWA) begulai Malaysia Strongman Association (Sarawak) deka ngatur Pekit Mr Kenyalang Strongman kena 15 September tu ba Dataran Bandar Sibu Fasa II.
Chairman Malaysia Strongman Association (Sarawak) Ricky Poh madah, pekit ti keterubah iya diatur nya digaga beserimbai enggau pengerami ngintu ke-10 Sibu International BASE Jump 2018.
“Pekit tu sebagi ari program ninting taun lalu dibagi ngagai beberapa iti kategori kilogram (kg).
“Tiga kategori ti bisi diatur iya nya Kategori A 90kg ke baruh, Kategori B (90kg ke atas) enggau Kategori C (ungkup ngagai penyereta ari luar Sarawak).
“Sida ke bisi datai ngambi bagi ba pekit tu meseti beumur 18 taun ke atas,” pia ku iya maya aum media ba gim SDBWA ditu, empai lama.
Poh madah, sekeda ari atur pekit tu iya nya ngangkatka kerita, melatka tayat besai, bejalai sambil mai utai berat, ngangkatka besi sereta mayuh agi sebedau bulih gelar ‘Strongman’ nya.
“Pekit tu deka nyediaka perais mata duit.
“Ngarapka kitai ke kering bela datai besemekih ngulihka gelar Mr Kenyalang Strongman tu,” ku iya madah baru.
Mensia mayuh ke bisi ati ngambi bagi pekit tau betanya ngagai Lily Anem nengah lumur 010- 9666196 tauka Martin Voon (016-8895600)
Kelimpah ari nya, mensia mayuh mega tau terus nganjung nama sida ngagai facebook SDBWA tauka datai ngelawa gym SDBWA ba Dewan Suarah Sibu.
Sibu International BASE Jump 2018 deka diatur kena 12-23 September. KUCHING: Pengawa ngemeranka Pelajar Pengelikun Jalai Alun (PKJR) enda patut meri pengirau ngagai mayuh piak, lebih agi enggau tegal nya deka nating pengawa pengajar.
Direktor Opis Pengelikun Jalai alun (JKJR) Sarawak, Davina AgnesEnteli bebendar madahka laban PKJR amat manah dikena nempa ulah ti mereti maya ba jalai alun ti berengkah ari anak mit.
“Nya (PKJR) ukai nambahka tating pengawa pengajar tang meri pangka positif ngagai pengawa ngemeranka pengelikun jalai alun ngagai nembiak sekula sereta tu tentu nuju pemanah,” ku iya lebuh ditelefon.
Dulu ari nya, Agnes bisi betemu enggau Presiden Gempung Pengajar Sarawak (STU) Jisin Nyud enggau Presiden Gempung Pengajar Bumiputera Sarawak (KGBS) Ahmad Malie lalu nerangka pasal PKJR ba opis JKJR Sarawak ditu, kemari.
Ngenang nya silik, iya madahka isu penusah ngemeranka PKJR ba sekula menua ulu mega nadai nyadi laban pengawa tu nyengkaum pelajar futuristik.
“Nembiak di menua ulu deka bepindah ke mengeri lebuh sida udah besai ila sekalika nampung pelajar, gawa tauka lebih mayuh jalai alun deka digaga ti nyambungka kandang menua ulu enggau mengeri jemah ila.
“Nya alai dutu meh relevan PKJR dipejalaika ti mungkur sekula di menua pesisir enggau menua ulu,” ku iya.
Nitihku Agnes, PKJR dipelabaka deka dipejalaika ba semua sekula primary serata Sarawak berengkah 2019 sereta dipasukka dalam subjek Bahasa Malaysia (BM) lalu diajar pengelama dua jam sebulan.
Ku iya, kereban ngajar nya mega deka diberi ngagai pengajar ngambika dikena lebuh maya berengkah sekula taun baru ila.
“Ketua Panitia BM enggau siku pengajar BM ba semua sekula udah diberi penemu ngemasukka PKJR ngagai pengawa ngajar.
“Udah nya sida deka ngiring tauka ngajar pengajar BN ba sekula diri empu,” ku iya seraya madah bisi 62 bengkel ditimpuhka sereta 43 udah dipejalaika ti mungkur semua pengajar BM.
Ngenang pasal pengawa betemu enggau Jisin sereta Ahmad, Davina madahka kededua piak besetuju sereta nyukung PKJR dipejalaika, taja pan sebedau tu Jisin diriputka deka ke PKJR lebih fleksible lalu Ahmad madahka KGBS enda setuju.
Kelimpah ari nya, Agnes madahka enggau pukul rata, penyampau penusah bebadi ba jalai alun do Sarawak agi ba tikas ti tinggi (50 penusah bebadi tiap hari, 1 pemati tiap hari).
Taja pia, trend nurun ari segi penusah bebadi ba jalai alun dibandingka enggau penyampau perengka pengangkut.