Jalai Ngemah - Temalat dipelaba tembu dalam bulan Ogos 2020
SIBU: Kereja ngaga jalai 9.6 km nyambung Ngemah dalam Pelilih Kanowit enggau Temalat dalam Pelilih Song lanchar dipejalai lalu dipelaba tembu dalam bulan Ogos 2020.
Tu renggat keterubah ari dua renggat projek.
Renggat keterubah berengkah digaga dalam bulan Febuari taun tu, mungkur pengawa ngaga jalai 9. km ari Ngemah ngagai Temalat.
Renggat kedua iya nya ngaga jalai muntang 5.1km Ngemah ngagai Ngungun.
Menijar Kandang Menua Opis Kereja Raya (PWD) Cassidy Morris madahka kereja di baruh renggat keterubah diatu udah manggai 4.24 peratus.
“Kami diatu benung ngaga pengawa meresi enggau nyungkur.”
“Projek ditimpuhkatembu kena 19 Ogos 2020,” ku iya madah ngagai The Borneo Post nengah Whatsapp kemari.
Cassidy nadai madah kemaya renggat kedua deka berengkah digaga.
Jalai dua renggat sepemanjai 14.7km semua iya ti dikumbai ‘missing link’ ari RM711 juta projek Jalai Kapit/Song/Kanowit sepemanjai 83km.
Kaban Parlimen Kapit Datuk Alexander Nanta Linggi udah nyemetak madahka perintah besai sebedau tu udah ngagihka RM150 juta dikena nyambung ‘missing link’.
Ba penerang Facebook ti dibantaika iya apin lama ke udah, Nanta madahka aktiviti tanahungkup renggat keteru- bah projek berengkah dalam bulan Mac taun tu.
“Kereja renggat tumu nyengkaum minta pemendar projek enggau agih belanja ari perintah, pengawa nyukat tanah, ngitung ungkus enggau mayar pampas tanah, proses pejalai tinda enggau ke bukai,” ku iya.