Ngambika setipak enggau singkang pemansang infrastruktur digital di Semenanjung ari sukut peneras internet, signal telefon
KUCHING: Kaban Parlimen Hulu Rajang, Datuk Wilson Ugak Kumbong, dekaka perintah Pakatan Harapan (PH) bebendar ngangkatmanah pemansang infrastruktur digital di Sarawak, kelebih agi ba kandang menua pesisir.
“Peminta tu seriris enggau singkang pemansang infrastruktur digital di Semenanjung Malaysia sekalika ari sukut peneras internet enggau signal telefon. Ba Sarawak dua pekara tu kelalu lubah,” ku iya lebuhka dikerandau ditu apin lama ke udah.
“Kitai ukai idup dalam jeman kelia tang jeman digital. Nya kebuah kitai ngarapka bisi rengka digital . Aku ngarapka Opis Menteri Komunikasyen enggau Multimedia serius beratika pekara tu,” ku iya nyemetak.
Ku Ugak, iya dekaka tiang komunikasyen didirika ba endur ke strategik dalam sitak parlimen iya ti mungkur se-
Kitai ukai idup dalam jeman kelia tang jeman digital. Nya kebuah kitai ngarapka bisi rengka digital sofistikated. Aku ngarapka Opis Menteri Komunikasyen enggau Multimedia serius beratika pekara tu. Datuk Wilson Ugak Kumbong Kaban Parlimen Hulu Rajang
mua kandang menua pesisir.
Endur tu engka nyengkaum Long Busang enggau Long Jawek di Belaga, Rumah Melintang di Sungai Kapit, Punan Sama enggau Punan Biau Belaga, Nanga Merirai, Batang Balleh, Rumah Derick, Ulu Jelalong Tubau, SK Lubok Mawang, Sungai Majau Kapit, enggau Klinik Nanga Melinau, Sungai Mujong Kapit, ku iya.
“Aku ngapil ngagai Opis Menteri Komunikasyen eng- gau Multimediamantu kami ngambika rayat di Sarawak ulih ngasaika pemaik ti sebaka baka peneras internet enggau komunikasyen baka ti diasaika bakih kitai di Semenanjung Malaysia,” ku iya.
Ba pekara bukai,Ugak m adahka perintah besai baru patut mega beratika baru utai ke diguna lengkas ba Sepital Kapit laban diatu enda tetangkupka peminta ti mayuh.
Sepital Kapit mega begunaka lutur enggau bala pakar sereta mega kereban dialisis, ku iya.
Peminta tu mega beguna ba klinik di Belaga, Sungai Asap enggau Song, ku iya, seraya nambah, semua tu peminta tauka isu ti udah dibantai dalam aum Parlimen kena 24 Julai.