Christopher: Semua projek nya beungkus RM5 juta lalu ditetapka deka digaga berengkah dalam taun tu
SIBU: Semua penyampau 49 projek Program Transformasyen Menua Pesisir (RTP) ke beungkus RM5 juta udah ditetap deka digaga dalam sitak Tamin taun tu, pia ku Kaban Kunsil Nengeri (ADUN) Tamin, Christopher Gira, kemari.
“50 peratus ( ari projek tu) ( udah) ditinda, mujur diempu kunteriktor sereta udah berengkah digaga.
“Ke bukai agi ba atur nyendiaka langkar enggau Bil Kuantiti, deka ditinda enda lama agi.”
Ku iya, projek RTP tu nyengkaum nyambung jalai ngelawa rumah panjai, pangkalan enggau palan penyangkai kapal, jalai kebun, balai mayuhguna mensia mayuh sereta mega balai mayuhguna sekula, lot alai engkah kerita, ngaga begunan tadika baru, kereja nyungkur tanah taba rumah panjai baru sereta ngaga begunan ungkup jalai pengarap.
“Kepala Menteri Datuk Patinggi Abang Johari Tun Openg ngemendarka beber-
50 peratus (ari projek tu) (udah) ditinda, mujur diempu kunteriktor sereta udah berengkah digaga. Christopher Gira Kaban Kunsil Nengeri Tamin
apa projek rambau program ‘walkabout’ di Selangau kena 5 Mei taun tu tadi.
“Antara projek tu iya nya ngangkatmanah Jalai Pasai Siong Ili ke sepenyauh 16km ke alai semua ungkus RM17 juta, dipelaba deka ditinda ujung taun tu,” ku Gira.
“Komplek mini lumba enggau main ungkup Selangau ke beungkus RM8 juta diatu benung ba renggat dilangkar lalu Opis Pelilih Selangau ke baru beungkus RM5 juta mega agi ba renggat dilangkar,” ku iya nambah.
“Projek bukai agi ba renggat dilangkar iya nya Tebing Sungai Selangau ke beungkus RM5 juta enggau balai mayuhguna baru ungkup SJK (C) Tong Ah (RM500,000).
“Semua projek tu (dikemendarka Kepala Menteri) dipelaba deka berengkah digaga dalam pun taun baru.”