DCCI, KCCI nemuai meri basa seraya nyuaka memorandum ngagai Baru
KUCHING: Raban ari Balai Dagang Dayak enggau Industri (DCCI) sereta Balai Dagang Kadazandusun enggau Industri (KCCI) kemari udah nemuai meri basa ngagai Menteri Kereja Raya, Baru Bian ba opis iya ba Wisma Kerja Raya, Kuala Lumpur.
Diuluka presiden Datuk Joseph Salang Gandum ari DCCI enggau Datuk Bonipasius Bianis ari KCCI, dua raban nya udah ngenataika pengaga ati ngagai Baru Bian ti udah dichiri nyadi menteri opis nya seraya nyuaka memorandum bekaul isu enggau pemar ke ditapi komuniti.
Antara isi memorandum nya, sida ngarapka pengawa ke patut diambi dikena ngakun bansa Dayak enggau Kadazandusun deka pulaika pemaik kededua bansa nya ari baruh program enggau polisi perintah.
Sida mega madah, kededua komuniti agi tinggal jauh di belakang komuniti bukai ba pengawa dagang enggau industri, lalu sida pechaya udah nyadi tanggungpengawa perintah ngerapitka seraka ba pekara ekonomi ti balat besai nya.
Maya ke baum, sida minta menteri nya nyaup ngiga chara mutarka isu enggau pemar ke ditapi nya.
Penemuai nya kemari udah diperambu maya pengawa ngatur pengerami Gawai Keamaatan ke diatur begulai DCCI enggau KCCI, bulan siti nyin tadi.
Penemuai basa nya mega setipak enggau Klausa 7 Sempekat Kerejasama antara DCCI enggau KCCI ti m adahka kededua balai dagang nya setuju,” naruh penerang rasmi aktiviti ke dikereja begulai nyengkaum formula polisi ti dikemendar dikena ngelaku kerejasama sosioekonomi antara kededua balai dagang.