Nengeri ngarapka perintah PH ngamatka semaya pengudah PRU Ke-14, tang nyentuk ke diatu lalu nadai meda sebarang asil
KUCHING: Perintah Pakatan Harapan (PH) enda ngamatka semaya diri ngagai nengeri lalu nadai sebarang pengawa udah dikereja kenyau ari bepilih besai 9 Mei.
Penganalisis politik, Datuk Peter Minos madahka nengeri melabaka pengudah bepilih besai, deka bisi ‘pengarap besai’, tang nadai pengawa udah digaga sida naka diatu diperatika nengeri.
Ba pekara tu, iya nyemetak madahka bisi asai putus pengarap diasaika peranak Sarawak.
“Sarawak melabaka pengudah bepilih besai 9 Mei, deka bisi pengarap besai, tang lalu nadai asil.
Tang ke nyata perintah PH udah bedalih jaku sereta kurang amat bejakuka (pasal Sarawak),” ku Minos.
Nitih ku Minos, nyauka baka Petronas enda deka nangkup peminta 20 peratus bayar royalti minyak Sarawak pelasarka pemansut, sereta meri pulai kuasa penuh di baruh Sempekat Malaysia
Kenyau ari taun 1963, Sarawak nganti, terus nganti. Kenyau ari 1963, Sarawak nerima mimit bantu ari perintah besai. Datuk Peter Minos Penganalisis politik
1963 (MA63) tumu agi.
Taja pia, iya nyemetak madahka rayat bediri teguh ba belakang Kepala Menteri Datuk Patinggi Abang Johari Tun Openg lalu enda deka mantul ati, tambah mega, royalti minyak 20 peratus beguna amat dikena nentuka seruran bisi ngasaika pemansang baka bala bakih di Semenanjung Malaysia.
Minos mega madahka nengeri udah beratika perintah besai kenyau ari pengawa numbuhka Malaysia dalam taun 1963 dikena nyaup pemansang ke nengeri tu.
“Kenyau ari taun 1963, Sarawak nganti, terus nganti. Kenyau ari 1963, Sarawak nerima mimit bantu ari perintah besai,” ku Minos seraya madah, baka selama enggau ke ngelama tu, belanja ari perintah besai ditambah enggau belanja ari nengeri tu empu enda chukup dikena ngaga baru enggau ngemanahka infrastruktur ke bisi, pemansang ekonomi enggau rama.
Ku iya baru, peminta ninting taun ditandu belama ke nengeri tu ti minta belanja tambah udah ditangkup enggau mimit tauka ditulak.
“Birokrat besai ba opis menteri enggau opis perintah besai udah bedalih jaku sereta ngena chara betangguh, pengujung iya, lalu nadai ari perintah besai, ngujungka nengeri tu terus tinggal di belakang ba semua pekara,” ku iya madah nyemetak.
Royalti lima peratus bepelasarka pemansut ti udah diberi Petronas ngagai nengeri tu kenyau ari taun 1974 kelalu mimit, lalu enda tesaupka pengawa pemansang nengeri, ku iya nandu.