Nengah Kimpin ‘Kibar Jalur Gemilang’ ulih ngempung rayat pupu bansa sereta nentuka penyerakup seruran dikembuan
KAPIT: Pengawa Ngintu Bulan Merdeka enggau Kimpin ‘Kibar Jalur Gemilang’ nyadi pengawa dikena meransang runding talukka menua ngagai rayat Malaysia.
Pemesai Pelilih Kapit Elvis Didit madahka semanjai Bulan Merdeka, rayat diperansang ngitang Jalur Gemilang ba opis perintah, begunan, rumah kedai enggau entukar.
“Kimpin ‘ Kibar Jalur Gemilang’ iya nya aktiviti ti chukup besai reti dikena ngempung rayat nadai ngira asal penatai, bansa enggau jalai pengarap sereta ngenalamka agi runding talukka menua.
“Jalur Gemilang iya nya kelai penyerakup. Kitai bisi
Kimpin ‘Kibar Jalur Gemilang’ iya nya aktiviti ti chukup besai reti dikena ngempung rayat nadai ngira asal penatai, bansa enggau jalai pengarap sereta ngenalamka agi runding talukka menua. Elvis Didit Pemesai Pelilih Kapit
kebuah ngintu Bulan Merdeka laban Hari Merdeka kena 31 Ogos seraya Hari Malaysia kena 16 September.
“Kededua hari tu besai amat reti ngagai kitai,” ku iya lebuh bejadika Pengawa Ngelanchar Kimpin ‘Kibar Jalur Gemilang’ di Kapit Town Square, apin lama ke udah.
Program diatur Opis Pemadah Bagi Menua Kapit enggau kerejasama Opis Pemadah Pelilih Song eng- gau Belaga.
Sama bisi datai Pemesai Pemadah Bagi Menua Kapit Judy Henry Anchangan, Pemesai Opis Penyerakup Menua Enggau Intergrasyen Nasional ( JPNIN) Kapit Jendri Mangku, bala ketuai opis perintah, Chairman Komuniti Malaysia Kapit Tang Bukok sereta bala ketuai etnik enggau ketuai raban bansa ke bukai.
Program mega dirichah enggau aktiviti senaman aerobik, pengawa mantaika catwalk nembiak mit, pengawa nyadaka lagu patriotik enggau melah kek sereta makai serumpu.