Dikena nyintalka kaul enggau pangan diri, ngeringka pengelikun dunya
SIBU: Festival Tanda Antarabansa Sibu (SIDF) nyadi platform sida ke ngemeranka pengawa betanda ari serata dunya bekunsika pemanah main asal bansa diri.
Kaban Kunsil Nengeri ( ADUN) Dudong Datuk Tiong Thai King madah, pengerami nya tau bendar nyintalka kaul antara pangan diri nengah siti panggau.
“Nya alai, nengah SIDF aku pechaya kitai ulih negut kaul antarabansa sereta ngeringka agi pengelikun dunya,” pia ku iya madah maya bejadika SIDF ba sebuah hotel ditu, malam ensana.
Pengerami nya bela dikemata Sektetari Mendam Opis Menteri Dagang Temuai, Art, Main Asal, Nembiak, Lumba enggau Main Hii Chang Kee,
Nya alai, nengah SIDF aku pechaya kitai ulih negut kaul antarabansa sereta ngeringka agi pengelikun dunya. Datuk Tiong Thai King ADUN Dudong
Kaban Parlimen Sibu Oscar Ling, Direkter Eksekutif SIDF Wong Siew Siong enggau Manijer SIDF Chen Ing Kuan.
Tiong madah, tanda mega tau bendar nempa main asal nya ulih ditampung ari serak siti ngagai siti.
“Enti tanda tu diturunka ngagai serak siti dia cherita sesebengkah etnik nya ulih diintu ngambika semampai dipeda tubuh nangkan ke tu,” ku iya madah baru.
SIDF ku Tiong bela seririh enggau pengeransing perintah nengeri ti deka mandangka main asal pupu bansa ba nengeri tu ngagai tikas antrabansa.
Nya alai iya ngarapka SIDF nyadi siti menalan ke ulih ngintu sereta nyaga main asal Sarawak seraya ti nyadi siti ari produk dagang temuai nengeri tu tauka mengeri Sibu. SIBU:
SIDF taun tu serak ke tujuh taun berengkah diatur 21 nyentuk 25 Ogos tu digulu lebih 200 iku penyereta ari 15 buah menua.
Sekeda menua ke datai ba SIDS tu iya nya Ethiopia, China, Filipina, Sri Lanka, Jepun, India, Taiwan, Thailand, Mexico, Korea Selatan, Brazil enggau Amerika Syarikat.
SIDF diatur Hornland Dance Theatre kenyau ari taun 2012 sereta disaup SMC.