Parti tu ti ngempung semua parti politik asal Sarawak ke nemu nama pengandal, peminta peranak di nengeri tu

MUKAH: Gempung parti politik Sarawak ke baru iya nya Gabungan Parti Sarawak ( GPS) deka ngetan enggau ngeringka semua hak peranak di nengeri Sarawak.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Dato Sri Fatimah Abdullah madah, semina orang Sarawak aja ke endang nemu pengandal enggau peminta rayat di nengeri tu.

“Berindik ari nya mih GPS ditumbuh lalu kitai deka negika hak orang Sarawak enggau naka ulih,” ku iya lebuh ti bejaku ba pengerami bejadi licha Ordinan Perlombongan Minyak ( OMO) 1958 di Dalat kemari.

Ukai semina bekaul hak ngulihka minyak enggau gis aja, tang nya mega mungkur semua pekara bekaul hak rayat di nengeri tu ti endang bisi dalam polisi sereta undang- undang.

Ku iya, siti ari nya OMO 58 ti dikena ngangkatka tikas penatai pemisi nengeri tu dikena ngemansangka kandang menua luar sereta perengkaguna ke bukai dsi nengeri tu.

“Geran agih belanja ti diberi selalu nya enda chukup ungkup semua pekara nyengkaum bekal ai, elekterik, jalai alun, sekula enggau mayuh agi,” ku iya nerang.

Nengah OMO 58, hal tu ulih diputar enggau agih belanja nya ke deka diberi dikena nampal pengurang ke diberi ngelama tu.

“Nama pan pekara, minyak enggau gis endang hak kitai lalu kitai patut nuntut

Berindik ari nya mih GPS ditumbuh lalu kitai deka negika hak orang Sarawak enggau naka ulih. Dato Sri Fatimah Abdullah Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit

nama utai ke endang dipenggi kitai,” ku iya nambah.

Nya alai, iya ke mega Kaban Kunsil Nengeri ( ADUN) Dalat madahka sukung ti tegut patut diberi ngagai Kepala Menteri DAtuk Patinggi Abang Johari Tun Openg dalam pengawa iya ( Kepala Menteri) negika hak Sarawak.

Licha nya diberi Menteri Muda di Opis Kepala Menteri ( Undang- undang, Kaul Perintah NengeriBesai enggau Matau Projek) Sharifah Sayeed Aman Ghazali.

Hasidah nengah licha iya bisi madah bekaul OMO 58 ari sejarah enggau mega ngelansa bekaul hak Sarawak.

Iya mega madah perintah nengeri Sarawak diatu benung berunding enggau Petronas sentang hal tu lalu nya ulih dipadahka bisi pengerembai ti positif.

Sesi meri penerang bekaul OMO 58 nya mega siti ari pengawa ngagai tetiap renggat baruh ke digaga nitihka renggat ba selampur Sarawak.

TERIMA MIH: Fatimah (bediri baris kedua, tiga kiba) lebuh ti nyuaka bantu ngagai Tim Bomba VOlunteer (PBS) Dalat seraya dikemata Hasidah (bediri baris kedua, empat kanan) enggau bala ke bukai kemari.

UDAH DITUKU: Dr Ting (dua kanan) nerang ngagai raban media bekaul isu nadai kena SST bekaul penerebai bilun domestik entara mengeri di Sabah enggau Sarawak.