Peranak Rh Panjai William Uchat talukka Nanta enggau Jamit nyadi pengari rayat
KAPIT: Tuai Rumah William Unchat ngenukuka peranak rumah panjai ari baruh pegai iya nitihka iring kededua pengari rayat MP Datuk Alexander Nanta Linggi enggau Kaban Kunsil Nengeri Bukit Goram assemblyman Jefferson Jamit Unyat.
“Ngarika peranak rumah panjai tu ke bisi 31 pintu, kami ba rumah panjai tu deka meri sukung penuh seduai. Kami diatu benung berumah baru lalu seduai sama bisi ngaul diri ba pengawa ngaga rumah panjai nya berengkah ari pengawa nyungkur tanah nyentukka rumah tu tembu digaga.Seduai udah mantu kami ari sukut meri belanja enggau kereban dikena berumah. Kami temegahka bantu ari seduai lalu m alas nya maya pengawa bepilih ila.
“Sehari tu, aku ngarika nembiak redak ditu meri terima k asih ngagai semua b antu ke u dah diberi ngagai kami,” ku Tuai Rumah Wil- liam Unchat.
“Kami mega udah mantu ti ngujungka chalun PBB P.215 Kapit Datuk Alexander Nanta Linggi menang ba pengawa bepilih. Taja pia, rayat menua tu udah ngundi Pakatan Harapan.
Taja pan bisi orang bukai bisi masuk parti PH pengudah PRU14, tang kami ditu tetap nyukung seduai. Kita mih ketuai kami,” ku William.
Nanta enggau Jamit nemuai ngagai rumah panjai nya laban deka betemu sereta berandau enggau rayat.
Berebak enggau nya mega sida lalu nerangka ngagai rayat gaya politik ke diatu pengudah PRU14, sentang perintah GPS di Sarawak enggau agih belanja RTP enggau MRP ti diungkupka ngagai 19 iku MP ngambika sia ulih bejalaika pengawa ngagai rayat.
Seduai udah disempulang Sekretari Politik Kepala Menteri Sarawak Maurice Giri enggau kaban PBB ke bukai.