Nya ulih nyaup ngangkatka pemutus peresa nembiak sekula lalu asil iya ulih dipeda baka ba Singapura enggau Finland
KUCHING: Menteri Pelajar, Sains enggau Pansik Teknologi Dato Sri Michael Manyin dekaka raban pengajar di nengeri tu diberi peluang ngulu kus enggau latih ke chukup.
Ku iya, pekara nya ulih nyaup ngangkatka pemanah tikas peresa perintah nembiak sekula lalu chara nya udah mujur dipeda di menua Singapura enggau Finland.
“Diatu opis pelajar enda ngenah raban pengajar enggau adil.
“Kitai ngarapka sida nempa pemutus ke manah tang kitai enda nyendiaka sida enggau kus enggau latih ke chukup,”ku Manyin.
Iya mansutka jaku nya rambau bejadi ‘Kursus Pemantapan Kepimpinan Guru Besa Sarawak 2018’ ke diatur di Institut Aminuddin Baki pampang Sarawak ditu, ke-
Kitai ngarapka sida nempa pemutus ke manah tang kitai enda nyendiaka sida enggau kus enggau latih ke chukup. Dato Sri Michael Manyin Menteri Pelajar, Sains enggau Pansik Teknologi
mari.
Manyin nambah, pengajar ke graduet ari kolej tauka palan pelajar tinggi meseti diberi awak ngulu kus enggau latih nitihka silibus jeman ke diatu.
Ku iya, penau baru nitihka singkang maya ke diatu meseti diajar di sekula lalu semua nya datai ari raban pengajar.
“Ba menua Singapura, raban pengajar sida seruran teulihka penau baru asil diberi awak ngulu kus enggau latih lalu pia mega di Finland,”ku Manyin.
Berindik enggau nya ku iya, opis menteri eng- gau Opis Pelajar Nengeri Sarawak(JPNS) nengah kerejasama Institut Aminuddin Baki(IAB) deka nyendia kus enggau latih ngagai pengajar ditu.
‘ Kursus Pemantapan Kepimpinan Guru Besa Sarawak 2018’ diatur empat hari berunggu berengkah kemari nyentuk ngagai 30 Ogos tu.
Kus digulu 60 iku kepala pengajar sekula primari ari Zon selatan iya nya ari Saratok ke Kuching.
Manyin dekaka kus tu diberi ngagai semua kepala pengajar di semua 1255 sekula primari serata nengeri.
“Serak tu kitai nyendia kus ngagai 60 iku kepala pengajar lalu aku dekaka udah tu 60 iku agi tauka 120 iku dikangau ngulu kus nyentukka semua ampit,’ku iya nandu.
Iya ngenataika pengirau pengudah pemutus peresa perintah baka UPSR enggau SPM di Sarawak enda manah.
Ku iya, sebedau taun 2016 Sarawak ba penuduk 14 ari 16 nengeri di Malaysia ba pemutus peresa UPSR iya nya lumur tiga ari baruh.
Lalu pia mega ba peresa SPM ku Manyin, Sarawak ba penuduk 15 ari 16 nengeri iya nya lumur dua ari baruh lalu Sarawak seruran ba penuduk nya ninting taun.
Bela datai Sekretari Mendam Opis Menteri Pelajar, Sains enggau Pansik Teknologi Datu Sudarsono Osman, Pemangku Direktor JPNS Mat Ali Masagus enggau Direktor IAB Sarawak Dr Abang Hut Abang Engkeh.