Enda ngira sapa bagi parti ke megai perintah, hak nya tetap deka diteritka
KUCHING: Hak ba pekara imigresyen sigi hak ‘ istimewa’ Sarawak, ku Menteri Dagang Temuai, Seni, Main Asal, Nembiak Lumba enggau Main, Datuk Abdul Karim Rahman Hamzah.
Iya netapka hak nya ngalahka pekara politik lalu deka mengkang diterit enda ngira sapa ke megai perintah nengeri.
“Enda ngira sekalika perintah nengeri dikuasa Gabungan Parti Sarawak (GPS), Barisan Nasional (BN) tauka Pakatan Harapan (PH), hak tu deka mengkang diterit.
“Hak tu udah disengkaum dalam Sempekat Malaysia 1963 lalu nyadi hak ‘istimewa’ Sarawak enggau Sabah,’ ku Karim.
Iya mansutka jaku nya ngagai pegarang berita pen-
Hak tu udah disengkaum dalam Sempekat Malaysia 1963 lalu nyadi hak ‘istimewa’ Sarawak enggau Sabah. Datuk Abdul Karim Rahman Hamzah Menteri Dagang Temuai, Seni, Main Asal, Nembiak Lumba enggau Main
gudah ngulu aum pengarang berita sentang Miss World Malaysia 2018 ti deka diatur di Kuching.
Karim nambah, hak nya ulih diketu enti perintah nengeri ngaga pemutus ngetuka hak imigresyen nya.
Tang ba penemu aku, hak imigresyen nya meseti dinan lalu diterit, tandu Karim.
Ba sentang pinta sekeda orang nengah surat ke dituju ngagai perintah nengeri, Karim madahka rintai orang ke ditagang tama ke Sarawak ukai sengapa digaga perintah nengeri.
Ku iya, rintai nama nya diberi sekeda ejensi ke diberi tanggungpengawa ba pekara nya.
“Meseti bisi rintai nama orang ke ditagang lalu kitai ukai sengapa nagang sida tama.
“Engka sida ditagang ketegal ari jaku ke bisi dipansutka sida tauka ari kes ke bisi digaga sida,’ ku Karim.
Iya nambah, orang UMNO pan bisi ditagang tama ke Sarawak baka Jamal Yunos.
Ensanus, Ketuai Nembiak AMANAH Sarawak Mohamad Fadillah Sabali dekaka perintah nengeri meresi nama sekeda orang ke ditagang tama ke Sarawak.
Pinta nya dikenatai pengudah Sapit Ketuai AMANAH Negara ( Nasional) Shazni Munir Mohd Ithnin ditagang tama ke Sarawak.