Tetiap staf perintah ngembuan tanggungpengawa ti berat dalam nentuka pengelurus sistem perintah ungkup pemaik menua

SARIKEI: Integriti ba sistem perintah pekara pemadu beguna dikena nentuka menua maju, lantang sereta tegap.

Menteri ba Opis Kepala Menteri ( Integriti enggau Ombudsman), Datuk Talib Zulpilip nyemetak mansutka pekara tu lebuh bejadika Program Integriti Ketuai Begulai Enggau Komuniti ba Palan Inovasyen Sarikei ditu, Hari Satu tu tadi.

Genap iku staf diberi tanggungpengawa ba sistem

Kitai patut ngemeranka integriti nyadi siti ari chara kereja dikena nentuka tetiap iku kaban ba sistem ngenatai perintah bebendar gawa nyapai asil pemadu manah. Datuk Talib Zulpilip Menteri ba Opis Kepala Menteri (Integriti enggau Ombudsman)

perintah, kelebih agi bala kaban ari servis perintah, baka ketuai komuniti enggau raban politik patut bejalaika tanggungpengawa enggau integriti, ku iya nandu.

“Kitai patut ngemeranka integriti nyadi siti ari chara kereja dikena nentuka tetiap iku kaban ba sistem ngenatai perintah bebendar gawa nyapai asil pemadu manah,” ku iya.

Beambika menua Singapore nyadika chunto ti manah, ku iya, ekonomi mengeri ba menua nya jauh nyulut ari menua bukai ba rantau tu laban tikas integriti ti tinggi ba sistem atur pengawa sida.

Nitih ku Residen Sarikei, Mohd Junaidi Mohidin, urung 180 datai ari bala ketuai mayuh bengkah opis enggau bala pengari rayat parti politik udah ngulu program ti diatur Opis Kepala Menteri bekerejasama enggau Opis Pelilih Sarikei enggau Opis Residen Sarikei.

Dua iku speaker bisi dikangau ba atur progam iya nya Dalin Nani George ari Ejensi Nagang Pengawa Gian Dadah Bansa (AADK) Opis Sarikei enggau Badli Shah ari Komiti Nagang Pengawa Makai Suap Malaysia (MACC), Sibu.

Antara bala bisi datai iya nya Menteri Muda Perambu Mengeri, Pengatur Tanah enggau Rampa Menua, Datu Leen Talif Salleh, Menteri Muda Kaunsil Kandang Menua, Datu Dr. Penguang Manggil, Kaban Kunsil Nengeri ( ADUN) Meradong, Datuk Ding Kuong Hiing, Kaban Parlimen (MP) Sarikei, Andrew Wong Ling Biu, MP Tanjung Manis, Yusuf Abdul Wahab, Direktor Integriti enggau Ombudsman Nengeri, Adana Jed, Pemesai Pelilih Sarikei, Christopher Ranggau sereta Sapit Direktor MACC Nengeri, Zuhairi Zaidel

UNGKUP KENANG: Talib (mua, tujuh kiba) enggau Christopher (ari tiga kiba), Andrew, Yusuf, Len, Penguang, Ding, Adana, Junaidi sereta bala bukai ke bisi datai ba Program Integriti Ketuai Begulai Enggau Komuniti ba Palan Inovasyen Sarikei ditu, Hari Satu tu tadi.

SELAMAT DATAI: Penatai Baru Bian disambut bala pesereta renggat kepenudi ‘Ratu Cantik Belia Lun Bawang’ lebuhka datai ba Dataran Bandar Lawas bejadika ‘Lawas My Home’.

TENTUKA INTEGRITI PEKARA TI KETERUBAH: Talib (empat kanan) nyuaka tepa ngagai Badli seraya (ari kanan) Andrew, Yusuf, Penguang, Len, Ding, Junaidi, Adana ngemata.