Azman dipadu nyadi Ketuai Polis Sarawak ke baru
KUCHING: Ketuai Direktor Ba Pekara Ngelindung, Opis Menteri Besai, Datuk Azman Yusof dipadu nyadi Ketuai Polis Sarawak ti baru berengkah ari kemari.
Pengawa nyerah nerima pangku pengawa antara Azman enggau Sapit Kepala Polis Sarawak, Datuk Pahlawan Mohd Dzuraidi Ibrahim ti sebedau mangku pangku pengawa nya dikemata Direktor Opis Integriti enggau Pematuhan Standard Polis Diraja Malaysis ( PDRM) Datuk Zamri Yahya ba Indu Opis Polis Kontinjen (IPK) Sarawak ditu.
Azman ba jaku dipansutka iya, batang tuju iya iya nya bejalaika pangku pengawa enggau tanggungpengawa baka ti udah disempekat di baruh Seksyen 3( 3) Akta Polis 1967.
“Nyadi Kepala Polis baru, aku bisi pangku pengawa eng- gau tanggungpengawa baka di baruh Akta Polis, bekaul enggau pengelikun Sarawak aku deka berati enggau nadai nejuka pangku pengawa enggau tanggungpengawa nya dikena nentuka pengelikun nengeri tu dijamin.
“Asil iya iya nya pengelantang, penyenang enggau pengelikun Sarawak,” ku iya.
Ba lansa bukai, Zamri madah nyadi Kepala Polis Sarawak ke-24, Azman dianjung khas dikena meri peransang enggau ngembing PDRM Sarawak ngagai status tinggi agi lalu nempa rampa ti lantang agi, likun ngagai komuniti ba nengeri tu.
Ku iya, nengeri tu mega diau likun, meda ari semina 3,713 kes diripot ba timpuh Januari nyentuk 9 Julai tu tadi, dibida 4,096 kes ba timpuh sama taun nyin tadi.
“Bisi kurang ba kes sepen- yampau 383 kes tauka 9.35 peratus, nadai kes ekstrem ti nyadi kelimpah kes bukai baka ngenchuri, ngeruntun enggau belaya. Di baruh ketuai baru tu, penyampau penyalah deka ulih turun agi enggau manah agi dudi hari,” ku iya.
Zamri mega ngarapka polis Sarawak deka meri pemerat ngagai penyalah ngelui ari adan menua ti nyadi ba Tebedu, semak Serian ti besepiak enggau Kalimantan, Indonesia.
“Antara pekara dibantai iya nya kes ngemai belalai dadah ari Sarawak ngagai Kalimantan, kitai deka nentuka palan meresa dikemanah agi ari rintai mua kitai, terus kolaborasyen enggau Indonesia dikena nentuka sapa bagi bekaul sereta nagang pengawa ngemai barang chara belalai ari terus nyadi,” ku iya. — Bernama