Tu nyengkaum ngaga jalai menua ulu enggau jematan dikena nyambung menua pesisir enggau genturung pendiau ti jauh
LIMBANG: Perintah Nengeri deka ngaga mayuh agi jalai tebing tasik enggau jalai menua ulu nyengkaum ngaga jematan dikena nyambung kandang menua pesisir enggau genturung pendiau ti jauh ba nengeri tu.
Menteri Muda Jalai Tebing Pantai Datuk Julaihi Narawi madahka Sarawak begunaka jalai penyambung dikena nyambung genturung pendika ba menua ulu enggau kandang tebing tasik sereta nyambung rentayan ti putus.
Ku iya, opis menteri iya agi ba atur pengawa nyediaka tinda ngambi dianjung ngagai Opis Kereja Raya (JKR) lalu deka ngaga penilaian kontrak- tor ti patut ngaga jalai tebing tasik nyambung ari Lundu ba Selatan ngagai Lambir (Miri) di utara Sarawak penyauh lebih 900 kilometer.
“Kitai nagit abis laun Jun taun baru ngepunka kereja ngaga jematan enggau jalai tebing tasik sereta rentayan missing link ari Selatan nga- gai Utara nengeri tu,” ku iya rambau pejalai gawa ngagai taba ngaga Jematan Kedua Sungai Limbang ditu, kemari.
Sama bisi datai Kaban Parlimen ( MP) Limbang Hasbi Habibollah, ADUN Batu Danau Paulus Palu Gumbang, Sekretari Mendam Opis Menteri Pemansang Infrastruktur enggau Perengka Pengangkut (MIDT) Anuar Da’an, sereta bala bukai.
Julaihi ke mega Menteri Muda Pemansang Insfrastruktur enggau Perengka Pengangkut Sarawak madah kelimpah ari jalai penyambung, opis menteri iya mega ngemeratka kereja nyeleti jalai tebing tasik ari Selatan ngagai Utara nengeri tu ti nyadi agenda besai Perintah Nengeri.
Pia mega ku iya, perintah mega deka ngangkatka sambung jalai alun di bagi menua Limbang enggau ngangkatmanahka jalai tebing tasik ditu, ari pengawa ngelala jalai tebing tasik di pelilih tu ngambika dikemanah, nyengkaum pengawa nyerenih enggau berunding,” ku iya.
Ku iya, projek tu ngaul perambu ngemanahka jalai Ipai Pendam penyauh 14 kilometer enggau ungkus RM14 juta, perambu ngaga Jalai Kampung Bulantak/ Limpaku Pinang beungkus RM91 juta (16 kilometer) , ngaga Jalai Rangau/Kuala Limbang beungkus RM20 juta penyauh empat kilometer sereta Jalai Bukit Lubok. Kampung Seberang kedai beungkus RM12 juta.
Jalai tebing tasik tu nyadi jalai alternatif lalu ngemai reti besai ngagai peranak menua pesisir.
“Rentayan jalai alun enggau jematan ba menua pesisir tu diatu udah digaga, ukai semina deka ngubah rampa menua ulu enggau menua pesisir, tang mega deka ngangkatka tikas idup rayat,” ku iya.
Ba lansa bukai ku iya, pengawa ngaga jematan kedua Sungai Limbang diatur lanchar lalu dipelaba tembu dalam taun 2021,” ku iya nambah.
Kenu ku iya, jematan tu deka nyambung Limbang enggau Menua Brunei nyengkaum empat batang jalai baka jalai besai beungkus RM187 juta sepanjai 760 meter.
“Jematan tu deka nyadi siti jalai besai nyambung ngagai Brunei, Limbang, Lawas enggau Sipitang Sabah,” ku iya.
Kitai nagit abis laun Jun taun baru ngepunka kereja ngaga jematan enggau jalai tebing tasik sereta rentayan missing link ari Selatan ngagai Utara nengeri tu. Datuk Julaihi Narawi Menteri Muda Jalai Tebing Pantai