Rega rumah di Sarawak dipelaba niki taun baru nengah pemisi SST

KUCHING: Rega retatanah (hartanah) nyengkaum rumah di Sarawak dipelabaka niki taun baru, berindik ari pengawa ngemeranka Chukai Dagang enggau Servis (SST).

Taja pia penyampau rega bedau ulih ditentuka, ku Chairman pengatur Jerayawara Perumahan dan Hartanah, Persatuan Pemaju Perumahan dan Hartanah Sarawak (SHEDA) Cawangan Kuching, Peter Pau Kiu Sung.

Tu bepanggai ngagai sistem SST lalu kami bedau terang bekaul pekara tu, ku iya.

Iya mansutka pekara nya lebuh dipinta ngenang pasal empas SST ngagai rega rumah di Sarawak, nyerumba aum pengarang berita Jerayawara Perumahan dan Hartanah SHEDA Cawangan Kuching Ke-2, ti diatur ba palan bebeli barang AEON ditu, kena 7 ngagai 11 November tu ila.

Kelimpah ari nya, Sekretari SHEDA Pam- pang Kuching, Peter Lau Hui han madah taja pan Menteri Wang Lim Guan Eng madahka sekeda kereban dikena berumah enda kena SST, tang nya ukai reti meri penurun ngagai rega rumah.

Terang iya, laban nadainkena SST ngagai kereban berumah nya semina bekaul enggau bangunan tauka rumah baru ti digaga berengak bulan Septemer tu enggau udah nya.

Ambika chunto, begunan tauka rumah nya digaga lebih Chukai Barang enggau Servis (GST) dipejalaika suba, nyangka tusah rega nya diturunka laban rega ti ditetapka udah dipasuk ngagai GST.

Nya alai ungkup SST, kitai nganti sereta meda aja baka ni rega rumah ditetapka ila.

Baka sekeda organisasi di Semenanjung Malaysia enggau sekeda arkitek, sida madah pengudah meda utai ke nadai kena ( chukai), ukai reti iya mega rega deka turun mayuh, ku iya.