Ulah nadai ngenang budi, beterima kasih sereta ngelesei pengawa piak ke mayuh mantu ukai adat bansa kitai
ENGKILILI: Rayat enda ibuh terunda-runda enggau penemu ti bejai perintah Barisan Nasional ( BN) ngelama tu nyengala mayuh mantu rayat Malaysia.
Ulah nadai ngenang budi, beterima kasih sereta ngelesei pengawa piak ke mayuh mantu kitai ukai adat bansa kitai lebih agi peranak Sarawak ke endang dikelala manah adat, nelap sereta bebasaka orang bukai enda ngira kaban tauka munsuh.
“Anang baka kachang enda ingatka kulit tauka sempaka baka cherita ‘Si Tanggang’ ke enda beterima kasih ngagai indai iua empu ke udah bebendar nupi iya lalu maya iya udah besai, mujur sereta kaya iya lalu lawa enda ingatka penatai diri,” ku Dr Johnical Rayong Ngipa.
Kaban Kunsil Nengeri (ADUN) Engkilili nya madah munyi nya rambau pengerami Merarau ba Rumah Apo, Pentik, ditu nyerumba pejalai ngabas taba rumah panjai baru, kemari.
Ku iya, maya kitai bejaku pasal penyai enggau pengurang perintah BN ngelama tu anang enda ingat bisi mega pemanah ke udah digaga
Anang baka kachang enda ingatka kulit tauka sempaka baka cherita ‘Si Tanggang’ ke enda beterima kasih ngagai indai iua empu ke udah bebendar nupi iya lalu maya iya udah besai, mujur sereta kaya iya lalu lawa enda ingatka penatai diri. Dr Johnical Rayong Ngipa ADUN Engkilili
sekumbang 61 taun ngiring menua tu.
“Kitai enda nagang rayat berandauka pasal pemanah enggau pengelebih perintah Pakatan Harapan (PH) ditang tang anang enda ingatka budi enggau pemanah BN ke udah ngiring menua pengelama 61 taun,” ku iya.
Nerang silik, Dr Rayong mega nyemetak madah naka diatu perintah besai ke dipegai PH bedau berupai mujur tauka ngasuh ngemegah lebih agi ngagai peranak Sarawak.
“Taja danji 100 hari udah ngelebus tang nama utai ke dipegendangka PH dalam manifesto sida sebedau tu bedau dipeda mujur tauka ngemegah.
“Pangka iya bedau berupai lebih agi ungkup rayat menua pesisir ke endang ngarap ajih nyadi baka nurunka rega barang, rega minyak RM1.50, ngelanjar bayar PTPTN enggau ke bukai,” ku iya.
Tang ku iya, siti utai ke pemadu semak ba ati rayat ba Bantu Rayat 1Malaysia (BR1M) deka diketu tang chara berenggat laban kenu nya makai suap, semaya royalti 20 peratus minyak ditukar enggau bayar ari untung enggau ke bukai.
Ngelansa pasal pengerami nya, Dr Rayong ngarap peranak rumah panjai di Pentik tan ati lalu ninjau jauh betapi enggau rumah panjai sida ke deka direrak laban meri awak ngemujur projek jalai Pan Borneo.
“Semua kita udah masau reta tengkira enggau pengingat ketegal rumah pan- jai deka direrak...tang aku pechaya berekat baru deka datai begulai enggau rumah ke deka digaga ba taba baru,” ku iya.
“Enggau nya, aku ngemendarka bantu dikena nyungkur taba baru rumah panjai tu enggau penyampau RM250,000 nengah agih RTP aku,” ku iya.
Berebak enggau nya, iya mega bisi madah deka meri geran MPR ngagai Kaban Komiti Pemansang enggau Pengelikun Genturung Pen- diau (JKKK) Rumah Apo penyampau RM5,000 enggau Biro Indu nerima 3,000.
Sama bisi datai Penghulu Nyambong Maweng, Penghulu Gerang Anchih, Penghulu Betuk Tubi, bala kaunselor enggau ke bukai.