Politeknik Kuching ngelakuka jaku English nengah main asal Borneo
KUCHING: Bagi Pekara Kurikulum Politeknik Kuching enggau Bagi Pekara Pelajar Kolej Komuniti enggau Politeknik bekunsika mayuh macham main asal ari Borneo seraya ngelakuka pengawa bekenaka Jaku English ngagai bala nembiak ukai ngemeranka jaku asal English ti datai ari serata Malaysia nengah Borneo English Language Festival 2018 (BELFest 2018) berengkah ari 5 nyentuk 7 September tu tadi.
Palan pelajar teknikal, Politeknik Kuching chukup serius ba pengawa nempa graduet holistik ti ulih landik bejaku ngena Jaku English.
“Kitai ngarapka pengerami tu mantu ngenegap enggau nempa bala nembiak nyadi ketuai sereta deka nyadi teladan ba institusyen sida empu. Kitai deka nerenakka pengandal enggau nguasa pengelandik sereta teknik bejaku ba mua mayuh ngena Jaku English ngagai bala nembiak nengah aktivitis,” ku Direktor Akademik Kanan Bagi Pekara Pelajar Kolej Komuniti enggau Politeknik, Zainab Ahmad ba pengawa bejadi nutup.
Program tiga hari berunggu digulu 128 iku nembiak ari semua kolej komuniti enggau politeknik serata Malaysia. Pengerami tu meri awak ungkup rentayan kereja kolaboratif enggau kerejasama enggau institusyen bukai benama Hotel Grand Margherita, Hotel Riverside Majestic, Riverside Majestic Astana Wing, Malaysian English Language Teaching Association (MELTA) enggau POLIKU Speech and Debate Club.
Entara aktiviti bisi diatur rambau program nya iya nya Public Speaking, Way with Words ti narit ati bala nembiak sekula, bekenaka pengelandik ba jaku enggau pemintar runding, sereta pekara pemadu dikerindu iya nya aktiviti Language Explore Race, nyendika penelaba belajar ngerinduka ati ba pengawa ngemeranka pengelandik bejaku nengah chara belajar jeman ke-21.
“Aktiviti ti diatur ngelingi Kuching meri peransang ngena jaku English ba pekara nyata enggau bala komuniti menua tu, seraya meransang runding kreatif kitai, nyadi ketuai sereta pengelandik kereja dalam tim, mega ngemai bala pesereta semak agi ngaul bala komuniti menua tu,” ku siku pesereta ari Politeknik Mukah, Weselley Bingkok.