Mayuh sebana madah jalai suah sekut, enda chukup tanda jalai kelimpah suah endur penusah bebadi, ku Baru
SIBU: Opis Menteri Kereja Raya udah nulis surat ngagai piak Lebuhraya Borneo Utara (LBU) minta ngemeratka agi tanggungpengawa nentuka pengelikun mensia mayuh ti nengah jalai Projek Pan Borneo.
Menteri opis tu, Baru Bian madah, iya udah nerima mayuh sebana lebih agi ba Selangau ti madahka jalai ba dia suah sekut, enda chukup tanda jalai kelimpah mega suah endur penusah bebadi nyadi.
“Nangkan nya, ujung bulan September tu, aku deka matau kediri empu meda semua isu tu udah diputarka LBU iya ke nyadi Project Delivery Partner (PDP) ungkup projek Pan Borneo,” pia ku iya madah maya aum media di Sibu, lemai ensana.
Dulu agi ari tu iya bejadika penembu Projek Ngaga Baru enggau Ngemanah Sekula Repuk ti digaga nengah Industrialised Building System (IBS) di SK Ulu Sungai Salim.
Baru mega madah, iya ke datai matau nya ukai semina di Selangau aja tang bela belabuh ari Teluk Melano nyentuk ke Miri.
“Seraya ngemujurka pejalai projek kitai mega bangat ngemeratka pengelikun mensia mayuh ti nengah jalai tu,” ku sambil madah pejalai iya diteruska
Nangkan nya, ujung bulan September tu, aku deka matau kediri empu meda semua isu tu udah diputarka LBU iya ke nyadi Project Delivery Partner (PDP) ungkup projek Pan Borneo. Baru Bian Menteri Kereja Raya
nyentuk ke Sabah dikena meda kediri pemujur projek nya.
Ditanya bekaul enggau nyema ( PDP) projek Pan Borneo empai teaduka isu nya nyentuk ujung bulan tu, iya semina madah iya pechayaka isu nya ulih diputar kelimpah semampai eng- gau tebuka nerima sebana ari mensia mayuh.