Udah datai ba timpuh kitai badu ngenang pekara ti udah nyadi enggau pengilap kitai, ku Masing
KUCHING: Presiden Parti Rakyat Sarawak ( PRS), Tan Sri James Masing mantaika sukung tegut iya ngagai penetap Kepala Menteri (KM), Datuk Patinggi Abang Johari Tun Openg ba pengawa ngetanka hak Sarawak.
Nitih ku Masing, semua pengari rayat nengeri tu sekalika ari Gabungan Parti Sarawak (GPS) tauka Parti Keadilan Rakyat (PKR) enggau Parti Tindakan Demokratik (DAP) mega patut meri sukung tegut sida ba pengawa ngetanka hak Sarawak.
Enti enda ku iya, sida (bala ketuai enggau pengari rayat Sarawak) deka dikumbai nipu rayat enggau nengeri sida empu.
“Pengelama 55 taun, kitai udah dikelaung, dikemelik enggau diteju pia aja. Udah datai ba timpuh kitai badu ngenang pekara ti udah nyadi enggau pengilap kitai.
“Aram kitai bediri nyadi sekaki laban kitai bisi beberapa taun deka datai ngaga ubah ba pengilap ti udah digaga bala ketuai kitai suba,” ku Masing ke mega Sapit Kepala Menteri enggau Menteri Pemansang Infrastruktur enggau Perengka Pengangkut.
Sukung sama bela dibantaika Ketuai Indu Pesaka Bumiputera Bersatu (PBB), Dato Sri Fatimah Abdullah.
Iya ti mega Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit madah deka nyukung tegut pengawa ditegika Kepala Menteri nya.
“Kitai ba raban indu PBB ngatur beberapa renggat pengawa meri penerang Ordinan Perlombongan Minyak (OMO) 1958 enggau Menteri Muda ba Opis Kepala Menteri (Undangundang, Kaul Sarawak enggau Perintah Besai sereta Matau Projek), Sharifah Hasidah Sayeed Aman Ghazali nyadi pengelicha.
“Aku mega pechaya GPS nyadi pelasar pemadu manah ngulihka baru hak rayat nengeri tu,” ku iya lebuh dirandau kemari.
Ba lansa bukai, Kepala Menteri lebuh bejadika Pesta Belawai di Sibu, Hari Enam ty tadi nyemetak madah deka seruran ngetanka hak Sarawak taja nerima jaku emba ari sekeda raban.
Kenu ku Kepala Menteri, iya nerima jaku emba ari siku penguna Facebook ti deka munuh iya.
Taja pia, jaku emba nya enda ngasuh pengawa Kepala Menteri seruran ngetanka hak rayat nengeri tu mantul.
Ku Kepala Menteri, pekara idup enggau mata ditentuka Tuhan lalu iya begulai enggau bala bakih ketuai nengeri bukai deka seruran gawa negi ungkup Sarawak.
Aram kitai bediri nyadi sekaki laban kitai bisi beberapa taun deka datai ngaga ubah ba pengilap ti udah digaga bala ketuai kitai suba.
JULAU: Peranak menua tu dilalau patut berimbaka tanah sida lalu nukar iya dikena nyungkak status ekonomi rama sida.
Taja rayat bisi pematut madahka diri naka ulih ngetanka tanah sida, deka besai agi reti enti sida berimbaka tanah lalu nukar iya nyadi pemansut besai belanja.
Kaban Kunsil Nengeri (ADUN) Meluan, Rolland Duat, rambau Program Pemesai Begulai Enggau Rayat ba Rumah Akun, Nanga Matop semak ditu, apin lama ke udah, ngelalau sida ti ngempu tanah ngambika nyadi pekebun ti pintar runding, orang ti bepenemu ba tetiap sukut pekara baka ngintu kebun enggau bejualka produk.
Nimbal jaku asa dibantaika Tuai Ruman Akun Belun senentang penanggul rega labuh ba utai tanam besai (lada enggau sawit) sida, ku Rolland, nadai entu pekara ulih dikeandal ari perintah dikena mutarka penanggul taja perintah besai sebedau tu meri sida bantu enda lama dikena ngelempungka pangka iya.
Ba pekara tu, iya merambu ngagai bala pekebun menua tu ngemayuhka bansa utai
Tan Sri James Masing Presiden PRS
tanam ba kebun sida enggau utai tanam bisi peminta tinggi baka rian Musang King, nenas enggau buah bukai.
Iya mega deka merambu ngagai perintah nengeri meri subsidi belalauka penyampau ari jualan nyadika pemutar enda lama dikena mantu sida ti bekebun lad aba nengeri tu kena pangka rega utai tanam nya nurun, ku Rolland nambah.
Pemutar bukai ti udah bisi ba runding iya, iya nya nyual asil lada menua tu di baruh chap Meluan dikena nyaga kualiti iya ti dikelala sida ti ngimport lada, ku iya.
Ngelansa senentang isu tanah Adat Bansa Asal (NCR) enggau Pemakai Menua enggau Pulau Galau (PMPG), ku Rolland, perintah nengeri di baruh Gabungan Parti Sarawak (GPS) udah nyendiaka siti mekanisme dikena ngelepaska isu nya enggau geran enda ulih ditan ba tanah NCR sereta mega hak ba PMPG sida, udah dikelala nyadi Native Territorial Domain (NTD) di baruh ubah Kanun Tanah apin lama ke udah, enggau meri kuasa undang-undang.
RM 10,000 ungkup Komiti Pemansang Enggau Pengelikun Genturung Pendiau (JKKK) Rumah Aun, RM2,00 ungkup Biro Indu enggau bela RM1,000 ngagai tetiap Biro Indu ti bisi nganjung pengari ngulu program nya.
Berebak enggau program nya, Rolland enggau bini iya diberi basa bejadika pengawa nyiri rintai JKKK enggau Biro Indu ti baru ditumbuh.