Tiga NGO Dayak nyukung Pekit Pidato 2018 ke diatur (UB) Iban (UB) udah nyendiaka pelasar alai mantai runding diri enggau penemu, sereta mega nyerungkai pengelandik pesereta
KUCHING: Pekit Pidato Utusan Borneo (UB) Iban 2018 ti deka datai nerima sukung ari Gerempung Ukai Dikuasa Perintah (NGO) Dayak.
Sukung engkeman ba maya ke patut laban Seksyen Iban UB deka ngatur nya ba pun bulan baru iya nya 5 Oktober (Hari Lima urung pukul 1.30 lemai) ungkup renggat milih pesereta ngagai renggat final ba Hotel Kingwood, lalu 6 Oktober (Hari Enam urung pukul 8 pagi) ungkup renggat final ke diatur ba auditorium Tun Ahmad Zaidi Adruce (TAZA) IPG Batu Lintang ditu. Pekit nerima semua peranak Malaysia enda ngira penatai asal bansa enggau daya idup.
Gerempung Bansa Dayak Sarawak (SDNU) meri sukung ke tegap ngagai semua pengatur pekit pidato jaku Iban di serata nengeri, ku Mandal Presiden SDNU, Dr Gluma Saban.
SDNU bejalaika pengawa ke beguna amat mai komuniti asal nengeri tu begulai sereta mega nyendiaka pelasar ngagai sida ngelakuka daya idup sida empu, ku iya madah nyemetak.
“SDNU udah nyadi tiang penyanding sistem ke tegap ti udah ulih ngempung raban nembiak, meri sida awak mantai runding diri enggau penemu, sereta mega awak nyerungkai pengelandik sida sereta tampak (pegari),” ku iya lebuh meri jaku peransang ngagai bala kaban komiti pengatur apin lama ke udah.
Nengah chara meri sukung ba pengawa ke baka tu, iya madahka SDNU deka nyadi
Program tu engkeman ungkup raban nembiak enggau raban speaker bukai laban tuju iya dikena negapka pengasai ba komuniti, identiti, peneguh enggau asai ngempu menua. SDNU ngumbai pekit tu baka ‘mayuh pati di Sarawak, ti deka begempung dalam siti batang ai’. Dr Gluma Saban Mandal Presiden SDNU
jalai ti manah ngagai raban nembiak, kelebih agi bansa Dayak nyerungkai sebarang pekara enggau peragam sida sereta begulaika bemacham pekara etnik nyadi siti chura penyerakup.
Ku iya nambah, SDNU, enda ngira bansa enggau daya idup bala kaban dalam serakup, semua raban nembiak sama nyadi reta ke beguna ti ulih diintu begulai.
Pekit UB Pidato Iban taun tu dibagi ngagai tiga kategori. Kategori Form Lima enggau Baruh (tauka Baruh 17), Kategori Umur Baruh 35 (kelebih agi ungkup sida ti agi belajar ba palan pelajar tinggi enggau raban nembiak ti bekereja) sereta Kategori Tebuka (nadai tatak umur).
“Program tu engkeman ungkup raban nembiak enggau raban speaker bukai laban tuju iya dikena negapka pengasai ba komuniti, identiti, peneguh enggau asai ngempu menua. SDNU ngumbai pekit tu baka ‘mayuh pati di Sarawak, ti deka begempung dalam siti batang ai ‘,” ku Gluma ke mega siku professor universiti.
“Penyelai ke baka tu ngasuh kitai chukup nyelai/jarang dipeda lalu sistem kitai udah nyata mujur ba menua mansang enggau maju dalam dunya. Raban nembiak ti beumur ari 18 nyentuk 35 taun nyadi peranak pemadu regas lalu SDNU deka mantu ba sebarang chara ti ulih ngangkatka juluk sida,” ku iya madah nyemetak.
Berebak enggau nya, Presiden Serakup Graduet Dayak Sarawak (SDGA) Dr Dusit Jaul madahka serakup sida muji inisiatif Seksyen Iban UB.
“Pengawa tu diatur ba maya ke patut. Kitai semua nemu ke alai jaku besai amat guna ba pekara nempa kelala etnik. Baka sempama jaku Iban, ‘Di kelala buah ari langgu, dikelala bansa ari jaku’.
“Inisiatif tu patut nerima sukung ari genap iku kaban komuniti Iban ti deka meda jaku ngerembai ba dunya ke jampat berubah tu,” ku Dusit ti mega bisi kaul enggau ejensi perintah.
Chairman Pampang Serakup Dayak Iban Sarawak (Sadia) Kuching, Datuk Paduka Anthony Nait Mani ngansak bala nembiak sekula enggau pelajar anang muai peluang enggau masuk pekit Pidato Seksyen UB Iban taun tu.
Iya nyemetak madah, naka tu, semina Seksyen Iban UB aja ke ngatur Pekit Pidato ungkup mensia mayuh.
“Engka bisi pekit ke sama ba renggat sekula tang sida enda ngatur ungkup mensia mayuh,” ku Nait, ti mega siku pedagang.
Kebuah bukai anang muai peluang, laban perais ti disedia sereta deka diperebut chukup manah, ku iya.
“Bala pengatur udah chukup manah nambahka penyampau perais mata duit ungkup champion tetiap kategori ngambika pekit nya beberita agi. Aku ngarapka kaban komuniti Dayak malas nya nengah chara nganjung pesereta,” ku iya.
Peneleba ti diulih ari pekit ti deka datai mega beguna amat lalu mantu sida ngemanahka pengelemi ba pekit bukai baka Jaku English enggau Jaku Melayu, ku iya.
Patron pekit taun nyin tadi enggau taun tu iya nya Sapit Kepala Menteri Tan Sri Dr James Jemut Masing.
Sesapa ke bisi ati masuk pekit betelefon nuju Watson Menjang ba lumur 014-8742633.
Sebarang tanya silik, mensia mayuh dituju ngagai Chris Bishop ba lumur 014-8989604 tauka Frankie Junau (0168072129).