Sarawak deka nyempulang raban ‘World Clean-Up Day’ kena 15 Sept
KUCHING: Sarawak deka nyempulang raban volunteer ari 150 menua serata dunya ba ‘World Clean-Up Day’ kena 15 September tu ba Kampung Masjid ditu.
Program tu deka dipenyadi Kepala Menteri Datuk Patinggi Abang Johari Tun Openg sereta nyadi kimpin berebak komuniti dunya nguing ngagai dunya ti be- resi agi.
Program tu mega ngemeratka pengawa bekenaka teknologi digital ti nerima sukung ari Perintah Nengeri seriris enggau polisi ngangkatka Sarawak ngagai nengeri maju.
World Clean-Up Day edisi Sarawak nyadi inisiatif begulai Serakup Alumni Josipa 82 (PAJ82) ti bejalaika pengawa nyadi peneraju kimpin seraya Lembaga Multimedia Sarawak nyadi penaja utama.
Batang pengawa ngelanchar iya nya Live Streaming nengah Skype enggau Live FB ari Kampung Masjid ngagai beberapa endur bukai nyengkaum Telaga Air, City Square Kuching, Miri enggau Bekenu pasal aktiviti beserimbai enggau program nya. KAPIT: Parti Pribumi Bersatu Malaysia (PPBM) berengkah nampung pengawa ngerembaika juluk sida ngagai kandang menua pesisir iya nya di sitak P215 Kapit enggau P216 Hulu Rajang enggau tuju deka nagit 500 iku kaban datai ba ujung bulan September 2018 tu.
“Timbal diterima chukup manah lalu dalam timpuh pandak kami nerima urung 300 peminta deka nyadi kaban,” ku Chairman Protem Komiti, Tuan Haji Annuar Bin Ojit lebuh berandau enggau pengarang berita.
Ex-Kepala Pengajar SK Kampong Baru, Annuar Ojit, chakah ngaul diri ba politik pengudah iya pinchin gawa. Pemadu baru, iya begempung enggau PPBM sereta udah dipilih nyadi chairman protem P215 Kapit ti mungkur tiga sitak kunsil nengeri – Pelagus, Bukit Goram enggau Katibas.
“Diatu, Pakatan Harapan (PH) megai perintah besai. Sarawak agi di baruh pegai perintah Gabungan Parti Sarawak ( GPS), nya alai, tanggungpengawa kitai mantu PPBM, siti ari komponen PH ditumbuh ba Sarawak.
“Ba renggat nengeri, kitai nagit 50,000 nyadi kaban datai ba ujung taun 2018. Aku empu enggau bala kaban bukai, kami deka numbuhka pampang ba P215 enggau P216 dikena nyendiaka diri napi Pengawa bepilih Nengeri ( PRN) ti deka datai, dipelaba dalam taun 2021.
“Kitai deka bekerejasama rat enggau Teng Mee Hing ari Parti Tindakan Demokratik (DAP) enggau Abun Sui ari Parti Keadilan Rakyat (PKR) ditu. Tagit kitai deka ngambi 500 kaban sebedau ujung taun tu.
“Timbal chukup manah lalu kami nerima mayuh peminta ari raban Bumiputera Dayak ti bekunsika juluk politik ti sama enggau kami. Kami mega ngelaluka raban ukai Bumiputera baka bansa China nyereta kami (PPBM).
“Taja pia, sida tu kaban begulai ti tau ngundi ba Aum Besai tang enda ulih minta sebarang penuduk dalam parti,” ku Annuar nerang.
Protem komiti P215 Kapit – Tuan Haji Annuar Bin Ojet nyadi chairman, Norkhadijah Kuras Abdullah @ Bija nyadi sapit chairman, Puso Bin Bujang mangku pengawa mandal chairman.
Suraini Bin Omar dipadu nyadi Sekretari seraya Zainudin Bin Zainal nyadi tukang wang.
Sham Sepah dipadu nyadi pemesai ba pekara pemadah, Abdullah Bin Ojit megai raban nembiak sereta Norzakiah Binti Nazri ngetuaika raban indu.
Protem committee P216 Hulu Rajang – Abdul Drahman nyadi chairman, Datin Siki Balarik sapit chairperson sereta Rosy Serimin Kabing nyadi mandal chairperson.
Sapon Napong dipadu nyadi sekretari seraya Lowerlater Anak Asan menggi pengawa tukang wang.
Bugom Udip nyadi ketuai pemadah, Sharie Albane megai raban nembiak seraya Selin Sukan nyadi ketuai raban indu.
Barang sapa bisi ati deka nemu silik agi pasal PPBM ba Kapit tau telefon nuju Annuar ba lumur 013 825 4328 tauka Norkhadijah 011 2503 8398.
Sida ti ba Hulu Rajang tau telefon nuju Abdul Drahman (017 806 6318) tauka Datin Siki Balarik (013 844 3040).