Wesly deka ngetanka penuduk nyadi Sapit Chairman PKR Miri

MIRI: Penyandang Sapit Chairman PKR Miri, Wesly Ancho deka bediri minta pilih sekali agi, ngetanka penuduk iya maya AGM diatur ba Palan Servis PKR Miri kena 20 Oktober tu, berengkah ari pukul 9 pagi nyentuk pukul 5 lemai.

Iya bekimpin ngagai bala penyukung renggat baruh ngambika nyukung pengawa iya bediri minta pilih ngetanka penuduk sapit chairman.

“Aku minta sepenggal agi mangku pengawa sapit chairman, kelimpah ari ngetanka penuduk, aku deka ngenegapka pengawa ditegika pampang parti enggau agenda reformasyen,” ku Wesly.

Wesly ngarapka semua raban reformis PKR ba Miri ditu seruran dijaga enggau dipayung bala ketuai tetinggi parti ngambika pengawa sida dikenang.

Ba lansa bukai, iya minta bala penyukung seruran meri sukung ngagai iya bejalaika pangku pengawa diri gawa ba pampang PKR Miri.

Dua chalun bukai ti ngirai diri ba penuduk ketuai indu PKR Miri iya nya Christina Kelit enggau penuduk mandal chairman PKR Miri, Ricky Bakir.

Seduai tu bela kaban PKR Miri lalu bisi ati sereta udah gawaka pampang parti ngelama tu.

Christina peranak asal Sibuti lalu udah bisi sukung renggat baruh dipelaba deka bepadan nengali alan enggau kaban Indu PKR ke diatu gawa ba Palan Servis Dr. Teo.

Ricky Bakir, siku raban dagang, udah beg7ulai enggau PKR kenyau ari jeman niang Bill Kayong, lalu diatu bekimpinka diri ngerebut penuduk mandal chairman ba pengawa bepilih pampang ti deka datai.

Seraya penuduk dipangku Dr Teo Yu Keng ba PKR Miri disadang enda diperebut maya AGM tu.