Rayat Sarawak lebih agi orang biak patut nyaga pengerai tungkul ati laban penyakit tu agi nyadi pemunuh lumur satu ba Malaysia
KUCHING: Rayat Sarawak ke beumur 18 taun ke atas dipinta nyaga pengerai tungkul ati laban penyakit tungkul ati agi nyadi pemunuh lumur satu ba Malaysia.
Menteri Kaunsil Kandang Menua enggau Pengawa Berumah Datuk Dr Sim Kui Hian madah munyi nya taja enda ulih meri penerang silik ke pemadu baru pasal penyakit tungkul ati kemari.
“Tu ukai pekara baru, tang patut dikemeran ninting hari iya nya peresa pengerai tubuh (tikas gula dalam darah, diabetes, peninggi darah enggau tikas kolesterol).
“Kelimpah nya, jaga gaya pemakai enggau berat tubuh, irup mayuh ai, badu nginsap sereta suah besenam dikena mantu ngidupka seput kita.
“Taja bisi kebuah bukai baka peturun ungkup bansa Indai ke dipelaba muntang agi kena penyakit tu dibanding bansa bukai tang nyema iya dijaga sigi ulih ngidupka
Tu ukai pekara baru, tang patut dikemeran ninting hari iya nya peresa pengerai tubuh (tikas gula dalam darah, diabetes, peninggi darah enggau tikas kolesterol). Datuk Dr Sim Kui Hian Menteri Kaunsil Kandang Menua enggau Pengawa Berumah
nyawa,” ku iya maya aum pemberita ‘ Walk- a- Mile’ nyerumba Hari Jantung Sedunya ba Saradise, kemari.
Program nya diatur Yayasan Tungkul Ati Sarawak ke endang kaban Serakup Tungkul Ati Dunya dikena meri penyedar ngagai mensia mayuh pasal pengerai tungkul ati ke deka ngatur ‘Walka-Mile’ di Saradise kena 23 September tu.
Hari Tungkul Ati Sedunya disambut kena 29 September ninting taun lalu taun tu Presiden Yayasan Tungkul Ati Sarawak ke mega Tuai Pemegai Menua (TYT) Negeri Tun Pehin Sri Abdul Taib Mahmud enggau bini iya Toh Puan Datuk Patinggi Ragad Kurdi Taib dipelaba nyereta program nya.
Dipelaba 2,000 iku nyereta program berambaika jaku ‘My Heart, Your Heart.’
“Kami deka kita nyadi duta ti gerai ungkup Sarawak lalu kena 23 September kaunter ngerejister deka dibuka tumu 5 pagi alai ngerejister diri,” ku iya.
Palan Tungkul Ati Sarawak deka ngatur peresa pengerami pechuma lalu panjar semina RM20 siku sereta diberi baju-T.
Bela datai kemari Kaban Kaunsil Yayasan Tungkul Ati Sarawak Datuk Ann Teng, Eric Lim enggau Pauline Kon sereta Pemesai Tusun Pengawa enggau Sampel Nestle Sitak Menua Sarawak Tony Merril Ripat enggau Menijar Komunikasyen Makit Saradise Si Kok Leng.