Udah chukup runding sereta mayuh agih enggau tuju ti meri penguntung ngagai menua ti bekaul
KUCHING: Siku lecture ke mega Profesor Politik enggau Perintah, Universiti Putra Malaysia (UPM) Profesor Dr Jayum Jawan bepenemu pekara bekaul enggau penumbuh Malaysia enda ibuh kelalu dipetalat laban bisi dirikod dalam Sempekat Malaysia 1963.
Nangkan nya, kena 16 September ninting taun dikumbai Hari Malaysia dikena ngelai penumbuh sebuah menua baru ti nyerakupka tiga buah menua iya nya Sarawak, Sabah enggau Persekutuan Tanah Melayu.
Iya madahka penumbuh menua baru nya suba dikearapka ulih mai penyerakup politik ti besai agi nengah kaul seati tiga menua nya.
“Penumbuh Malaysia udah chukup runding sereta mayuh agih enggau tuju tauka juluk meri penguntung ngagai menua ti bekaul.
“Lalu ketuai perintah semina patut mansik baru atur nya dikena mai tauka ngiring tiga bagi menua iya nya Malaya (Persekutauan Tanah Melayu), Sabah enggau Sarawak ngagai jalai enggau tuju asal.
“Kebendar nadai pekara ke patut kelalu dipetalatka tauka diangkai laban semua semaya udah dirikodka dalam Sempekat Malaysia,” ku iya madah ngagai Utusan Borneo.
Pemerati Politik nya
Kebendar nadai pekara ke patut kelalu dipetalatka tauka diangkai laban semua semaya udah dirikodka dalam Sempekat Malaysia. Profesor Dr Jayum Jawan Lecture UPM
bekunsi penemu iya lebuh dipinta ngenang bekaul enggau penemu sekeda orang ti enda sebaka pasal Sarawak ti enggau numbuhka Malaysia.
Hari malaysia diintu kena 16 September ninting taun dikena ngingatka penumbuh penyerakup Malaysia ba hari bulan ke sama ba taun 1963.
Nya dikena ngelai pengawa menua Malaya, Sabah, Sarawak sereta Singapura numbuhka Malaysia.
Iya madahka ba taun Ke-55 gerempung tauka serakup tu ditumbuhka, udah tentu pansut pengarap baru iya nya kaul seatip dalam pemerintah enggau pemansang ke ulih ngiring kitai mansang ke mua.
“Perintah besai enggau nengeri ulih diperintah ulih parti politik ti bebida, tang sida enda tau enda ulih berati tauka meda agenda ti lebih besai ke patut dikereja ungkup rayat Malaysia,” ku iya madah ngagai Utusan Borneo.
Kelimpah ari nya, Jayum sebedau dalam bulan Ogos tu tadi, tu kala madah ngagai Utusan Borneo hari bulan ke pemadu beguna dikerami tauka diintu rayat Sarawak sereta Sabah enggau 11 nengeri di Semanjung Malaysia iya nya Hari Malaysia, kena 16 September.
Iya madahka, 16 September ngelai penumbuh Malaysia nengah penyerakup Persekutuan Tanah Melayu, Sabah enggau sarawak enyangkaum Singapura tang narit diri ba taun 1965.