Tanggungpengawa kededua menua Sabah enggau Sarawak patut diperati dalam agi nitihka pekara ti udah di semaya dalam MA63
MUKAH: Pengawa ngintu Hari Malaysia ti diintu kena 16 September ninting taun patut diperati dalam agi, kelebih agi ungkup rayat nengeri tu.
Kaban Kunsil Nengeri (ADUN) Daro Safiee Ahmad madahka tanggungpengawa kededua menua, Sabah enggau Sarawak, patut diberi kelala baka ti udah bisi dalam Sempekat Malaysia (MA63).
“Tanggungpengawa kededua menua ba pengawa numbuhka Malaysia patut dikelala nitihka pematut setipak enggau MA63,” ku iya madah ngagai Utusan Borneo kemari.
Iya mansutka jaku nya beserimbai enggau pengawa ngintu Hari Malaysia ti diintu sehari tu.
Hari bulan 16 September ku iya nyadi siti ari hari bulan ti besai reti ke mega nyadi tipan kenang sereta ngingatka semua rayat menua pasal pen-
Tanggungpengawa kededua menua ba pengawa numbuhka Malaysia patut dikelala nitihka pematut setipak enggau MA63. Safiee Ahmad ADUN Daro
gawa numbuhka Malaysia.
Nya kebuah ku iya, tuju Malaysia ditumbuh 55 taun ke udah mega endang patut dikingat.
Penatai asal Malaysia enggau tipan kenang pait manis iya nya pekara ti endang mai rayat di menua tu tuai runding.
Penyerakup ba menua tu mega anang enda dikemerat laban tu nyadi tiang pemun pengelikun Malaysia ti udah diasai ngelama tu.
“Kitai patut neguhka agi penyerakup menua ungkup penegap enggau pengelantang ba pengawa nempa menua bansa,” ku iya.
Sempekat Malaysia dilangkar November 1961 lalu disetuju sereta diterit dalam taun 1963, lebuh nya disain Perintah United Kingdom, Perintah Besai Tanah Melayu (Semenanjung Malaysia), Perintah Borneo Utara (Sabah), Sarawak enggau Perintah Singapore.
Gempung datai ari Tanah Melayu, Sarawak, Sabah enggau Singapura tu udah nya dikelala nyadi sebuah menua, iya nya Malaysia kenyau ari taun 1963.
Taja pia, Singapura udah nya matak diri lalu nyadi sebuah menua ngatika diri dalam taun 1965.